Debleskri gili 68:17 - O Debleskro Lab 2024 (Sinte-Manouche)

¹⁷ T'mer berge, t'mer bergetikre sherya, hoske zilverenn t'mer ap koy berga, kolat o Devel peske vin rodas, te djivell yob kote? Ava, hako tsireske ačell o baro Devel koy.

O Debleskro Drom 2021 (Sinte)

¹⁷ Tumer berge, tumer bergetikre sherja, hoske silwerenn tumer ap koi berga, kolat o Dewel peske win rodas, te djiwell job kote? Awa, hako tsireske atchell o baro Dewel koi.

Debleskri gili 68:17 ပူးပေါင်းရင်းမြစ်များ

2. Rajengro liil 2:11

Oun har yon yaake djan oun khetne rakran, koy vas i yagakro vourdin i grayentsa dran yag oun djas mank lende. Oun i phourdepen hidjras o Eliya an o bolepen.

Debleskri gili 18:10

Oun yob tserdas o bolepen ap i rig, oun vas tele. Kali rat his tel leskre herya.

Debleskri gili 9:12

Givenn o baro Debleske, kay ap i berga Sion khere hi! Penenn i menshenge an vavar themma, hoy yob lauter kras!

2. Mose 3:5

Penas o Devel: “Ma dja doureder! Rib tire kirrha vin! Kay tou tardo hal, hi o Debleskri phoub.”

Jesaja 2:2

Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

Ezekiel 43:7

Yob penas ap mande: Tou, mensho, kate hi koy platsa, kay miri beshepaskri tardo hi oun ko banko, ap koleste mire pire čivau. Kate djivau hako tsireske mashkral i Israelitaryen. Oun i Israelitarya anenn bouder gar ladj ap mande, yon gar oun lengre bare raya vitar gar. Kova kran le, har mangan le vavar deblen an, oun har paskran le pengre bare rayen gar dour miro kherestar.

Ezekiel 43:9

Kanna mangenn le bouder gar vavar deblen an. Oun pengre moule bare rayen rikrenn le dour mandar. Oun me djivau mashkral lende hako tsireske.

Daniel 7:10

Oun i lengsti yag das lestar karye vin. Oun leske boudran zerya kope zerya. Oun deesh-zerya kope deesh-zerya his glan leste tardo. Oun i čačepangre raya beshan pen, oun i lila van pre kerdo.

Habakuk 3:8

Baro Devel, his tout i rholi ap i zorele panya? Val tou rhoyedo pral o baro pani, har klissal tou vin tire grayentsa, oun tire kourepangre vourdya zorleder his har hake vavar?

Mateo 26:53

Me nay mangoms miro dadestar an o bolepen, te bičrell lo mange boudeder har efta-deesh-te-douy zerya (72.000) bolepangren, te venn le ap miri rig.

5. Mose 33:2

O baro Devel vas oun rakras mentsa pash i berga Sinay. Yob vas yaake har o kham pre djal pral i berge Seir. Mer dikam leskro raylepen har hams pash i berga Paran. Khetne leha van boud zerya bolepangre. Ap leskri čači rig his i yag.

Debleskro tsiro 5:11

Oun me dikom oun shounom boud bolepangren tardo troul o rayeskro beshepaskro, oun troul kol star zorele bolepangre, oun troul kol čačepangre phourende. Yon his yaake boud har deesh zerya (10.000) kope deesh zerya oun yek zero kope yek zero.

Debleskro tsiro 9:16

Oun me shounom, kitse lourde ap pengre graya an o kourepen djan. Kolla his biish zerya kope deesh zerya.