Debleskri gili 68:10 - O Debleskro Lab 2024 (Sinte-Manouche)

¹⁰ Tou, maro Devel, dal doha brishin, oun moukal tiro tato themes pale pre te djivell,

O Debleskro Drom 2021 (Sinte)

¹⁰ Tu, maro Dewel, dal doha brishin, un mukal tiro tato themes pale pre te djiwell,

Debleskri gili 68:10 ပူးပေါင်းရင်းမြစ်များ

1. Rajengro liil 8:36

palle shoun tou an o bolepen, oun le ko tselo čilačepen krik, hoy yon oun lengre raya kran. Sike lenge tiro lačo drom, te nay nashenn le ap leste! Oun palle de len pale o brishin ap ko them, hoy tou lenge dal, te vell lo lengro.

Debleskri gili 65:10

Tou djineh, hoy o themes hounte vell, oun deh yak, te vell les doha pani, oun kreh les braveles. Miro Devel, tout hi hako tsiro doha pani. Tou moukeh boud djob bares te vell i menshenge.

Debleskri gili 65:11

Koy harhetikri phoub deh tou doha te piyell, oun kreh i phoub sapeno, oun deh brishin, te vell lauter bares.

Debleskri gili 65:9

Oun i menshenge ap i tseli phoub ačell o rakepen krik glan ko baro koova, hoy tou kral. Kotar, kay o kham pre djal bis kote, kay lo tele djal, moukeh tou halauteren te sal oun barhteles te vell.

Debleskri gili 74:19

Mer ham har i tikno čirklo. De men gar i divye firhen te rhal! Ma biste men gar hako tsireske, men, tire menshen, kay palla lino venn!

Debleskri gili 78:20

Kova hi čačo: Yob phagas o baro bar, oun boud pani vas vin oun nashas tele kate te kote pral o them. Nay dell lo men ninna maro? Hayvell lo peskre menshenge mass te anell?”

Jesaja 40:29

Yob dell kolen, kay khino van, nevi zoor. Oun an kolende, kay kek zoor bouder hi, dell lo nevo djipen.

4. Mose 16:3

Oun yon halauter van khetne pash o Mose oun o Aron, čingran ap lende oun penan: “T'mer krenn, har te vans bareder har mer vavar! O tselo kheer Israel hi o Debleskre menshe. Oun o baro Devel hi mashkral lende. Hoske hadenn t'mer t'men pral o baro Debleskre menshende?”

Mateo 11:5

I korele dikenna pale oun i bange nashenna pale. I nassele, kay lengro mass ap lende tele merell, kolla venna sasto. Kolla, kay nay shounan gar, shounenna kanna. I moule venna djido. I čorvele shounenn o Debleskro lačo lab.

Louka 1:53

Kolen, kay bok his, das yob te rhal. Oun kol bravelen bičras lo krik. Oun yon nay lan či peha.

5. Mose 26:5

Oun tou peness glan o baro Debleste, kay tiro Devel hi: “Miro phouro dad his i Aramari, koles kek them his, kay lo khere his. Oun yob djas peskri familyah an o them Egiptia, oun his kote i vi-themari. Leskre menshe his gar boudeder har i vast pherdo, oun kote van le boud oun boudeder, i bari zoreli natsyona.

1. Petro 5:3

Ma avenn raya pral i patslende! Sikrenn lende, har t'mer djivenna, te djivenn yon ninna yaake!

1. Samuel 2:8

Koles, kay les či hi, hadell lo dran i čik, oun o čorveles hidjrell lo pre dran i yagakri čik, oun beshell les pash i pralstunende, oun krell les an-diklo. I tseli phoub hi o baro Debleske. Yob čivas lat zoreles tardo.