Debleskri gili 66:15 - O Debleskro Lab 2024 (Sinte-Manouche)

¹⁵ I thoulle bakrendar anau me touke, te venn le touke rhačedo. Ninna groumya oun bouzya anau glan toute. Te venn le rhačedo ap tiri rhačepaskri, djal i yagakro dourho pre pash toute.

O Debleskro Drom 2021 (Sinte)

¹⁵ I thulle bakrendar anau me tuke, te wenn le tuke chatchedo. Ninna grumja un busja anau glan tute. Te wenn le chatchedo ap tiri chatchepaskri, djal i jagakro ducho pre pash tute.

Debleskri gili 66:15 ပူးပေါင်းရင်းမြစ်များ

2. Samuel 6:13

Har kol hidjepangre, kay hidjran o Debleskro morhton, shob kope yek heri glan i vavar čivan, rhačran yon i gouroum oun i thoulli terni groumni o Debleske.

Esra 8:35

Oun kol menshe, kay van pale dran o pandepen, anan firhen o Israeleskro Debleske, oun maran len leske: 12 (deesh-te-douy) terne gourma i tsele menshenge an Israel, 96 (enya-deesh-te-shob) morsh bakre, 77 (efta-deesh-te-efta) terne bakre. Ninna anan le 12 (deesh-te-douy) morsh bouzya, kay van maredo, te vell i doosh i menshendar krik lino. Oun kol tsele firhe van pre rhačedo o baro Debleske.

Debleskri gili 51:19

Kova, hoy tou kameh te vell touke anlo, hi i phagedo dji. Ap i mensheste, kay rovell pral peskri doosh, dikeh tou, miro Devel, lačes.

Jeremia 41:5

van orhta-deesh morsha dran i forya Sichem, Shilo oun Samaria. Lengre čora his tele činle, oun lengre ripya paash, oun yon činan pen ap pende kokres, te sikrenn le kay lenge ropaske hi. Oun yon hidjran rhapen pash pende o baro Debleske, oun soungepaskro koova, te anenn le kova an o baro Debleskro kheer.

4. Mose 6:14

Oun yob hounte dell o baro Debles i bakro, yek bersh phouro oun sasto, te vell kova tseles rhačedo o Debleske. Ninna dell yob o Debles i bakri, yek bersh phouro oun sasto, te vell leskri doosh krik lino. Oun pale anell lo leske i vavar sasto morsh bakro, hoy rhan le khetne glan o Debleste.