Debleskri gili 66:13 - O Debleskro Lab 2024 (Sinte-Manouche)

¹³ Doleske kamau an tiro kheer te djal, te anap touke firhen, hoy touke rhačedo venna. Kamau te dap tout, hoy dom man sovel glan toute.

O Debleskro Drom 2021 (Sinte)

¹³ Doleske kamau an tiro kheer te djal, te anap tuke viechen, hoi tuke chatchedo wenna. Kamau te dap tut, hoi dom man sowel glan tute.

Debleskri gili 66:13 ပူးပေါင်းရင်းမြစ်များ

Hiob 22:27

Tou mangeh les an, oun yob shounell ap toute. Oun tou aneh leste kova, hoy tou leske sovel dal.

Debleskri gili 100:4

Avenn an i voudya glan leskro kheer oun parkrenn t'men! Avenn ap i platsa glan leskro kheer oun sharenn les i gilyentsa! Parkrenn t'men pash leste oun sharenn les.

Debleskri gili 116:14

Glan peskre tsele menshende anau o baro Debleske kova, hoy dom man sovel glan leste.

Debleskri gili 118:19

Krenn mange i bare voudya pre an o Debleskro kheer, te djap dren, te parkrap man pash miro baro Debleste.

Debleskri gili 118:27

O baro Devel hi kokres o Devel. Kamles dikell lo ap mende. Avenn, lenn palmtikre patria an o vast, oun djan khelepah glan o Debleskri rhačepaskri!

Debleskri gili 22:25

Yob dikas gar krik o čorvelestar oun leskre douka, oun khatras gar peskro mouy lestar, Na-a, har yob ap leste gole das, shounas lo les.

Debleskri gili 56:12

Ap leste dikau oun rikrau man, oun darau gar. Hoy nashte krenn man i menshe?

Debleskri gili 65:2

Tou, Devel, kay djiveh ap i berga Sion, tou hal moldo, te sharas tout, oun rikras mare sobya, hoy touke dam.

Sikepaskro 5:4

Feteder hi, te deh tout gar sovel, har te deh tout sovel oun rikreh gar, hoy penal.

Jona 2:9

Kolla kay rikrenn pen ap čičeskro koova, rikrenn pen bouder gar ap toute.

5. Mose 23:22

Te dal tou tout sovel glan tiro baro Debleste, palle ma mouk touke kek tsiro, te playsress kova ninna. Tiro baro Devel dikell koy pre, te deh tou kova leste. Te deh les gar, aneh tou doosh ap toute.

5. Mose 23:23

Te deh tou tout gar sovel, palle hi ninna kek doosh ap toute.

5. Mose 23:24

Te kamal tou tout sovel te dell glan tiro baro Debleste, hounte rikress tou ninna, hoy penal, oun kress les yaake har tou vin rakral.

Hebrearja 13:15

Dran kova parkras men pash o Debleste, sharas les hako tsiro, oun kras o Yezouseskro lab bares.

Čačepangre 11:35

Oun har yob lat dikas, kote tserdas lo i koola pestar tele, oun penas: “Ah miri čay, havi bari douk kreh tou mange! Miro dji rovell touke! Me dom o baro Debleste miro lab, oun nay lau les gar bouder pale.”