Debleskri gili 64:10 - O Debleskro Lab 2024 (Sinte-Manouche)

¹⁰ Oun lauteren taprell i daar, oun yon penenn: “Kava kras o Devel”, oun hayvenn, te vas kova lestar.

O Debleskro Drom 2021 (Sinte)

¹⁰ Un lauteren taprell i daar, un jon penenn: “Kawa kras o Dewel”, un haiwenn, te was kowa lestar.

Debleskri gili 64:10 ပူးပေါင်းရင်းမြစ်များ

Hiob 22:19

I lače menshe hi barhtelo, te dikenn le, har lenn i čilače pengri phagi, Oun kolla, ap kolende kek doosh hi, sanenn pral lende:

Debleskri gili 11:1

I gili o rayeske pral i gipangre. O David kras kay gili. Me čivau miro tselo patsepen ap o baro Debleste. Har nay penenn t'mer palle ap mande: “Naash har i čirklo an i berge!

Debleskri gili 112:2

Koleskre čave venn zoreles an o tselo them. O baro Devel čivell peskri barht ap kolengre čavende, kay o čačo drom djan.

Debleskri gili 25:20

Rike tiro vast pral miro djipen, oun le man dran lengre vasta vin! Mouk man gar čičeske pash toute te vell oun ap toute te dikell!

Debleskri gili 32:11

T'mer, kay an o čačepen tardo han, avenn barhtelo pral t'maro baro Debleste! Moukenn t'mare djia san oun bashrenn! Denn gole i barhtyatar, t'mer lauter, kay shounenn o tselo djiyeha ap o Debleste.

Debleskri gili 40:3

Yob hadas man vin dran i grufta, dran o merepen oun i čik, oun čivas mire pire ap i baro bar, te vap zoreles tardo.

Debleskri gili 58:10

Lenge djal har i soubyengre bourra: I baro dourho tserdell len dran i phoub vin. Yaake phourdell o Devel len krik an peskri bari rholi.

Debleskri gili 97:11

I momeli djal pre koleske, kay an o čačepen tardo hi. Oun barhtelo vell kova, kay o čačo drom djal.

Galatarja 6:14

Me djinau yek: An kek tsiro kamau me te sharap man. Me sharau ko troushel kokres, kay maro ray, o Yezous Kristo, meras. Kanna hi mange kova lauter bouder či moldo, hoy i menshenge yaake boud moldo hi. Me nashau ko koova bouder gar palla.

Filiparja 4:4

Avenn barhtelo hako tsiro! T'mari barht vell o Yezousestar, maro rayestar. Ava, avenn barhtelo!