Debleskri gili 63:1 - O Debleskro Lab 2024 (Sinte-Manouche)

¹ I gili o Davidestar. Yob kras kay gili an o moulo tato them Youda.

O Debleskro Drom 2021 (Sinte)

¹ I gili o Davidestar. Job kras kai gili an o mulo tato them Juda.

Debleskri gili 63:1 ပူးပေါင်းရင်းမြစ်များ

2. Samuel 15:28

Shoun, me kamau te ačell an o moulo them pash o pani Yordan, bis te shounau t'mendar.”

1. Familjakro liil 16:14

O baro Devel hi maro Devel, oun o čačepaskro ray pral i tseli phoub.

Hiob 8:5

Te rodeh tou o Debles tiro tselo djiyeha, oun mangeh ropah o zorelo Deblestar, te vell lo touke pale lačes,

Debleskri gili 118:28

Tou hal miro Devel. Pash toute kamau man te parkrell. Miro Devel, tout kamau me te sharell.

Debleskri gili 119:81

Miro dji nashell pal toute: Ab ap miri rig! Me dikau ap toute, te rakress mantsa.

Debleskri gili 143:10

Sike mange, hoy touke shoukar hi, te krap me, tou hal miro Devel. Tiro lačo dourho mou sikrell man o čačo drom.

Debleskri gili 143:6

Mire vasta hadau pre pash toute. Har i trouk them troushella pal pani, yaake troushell miro dji pal toute.

Debleskri gili 31:14

Me shounau, har rakrenn le djoungeles pral mande. I traash hi troul mande. Yon čivenn pen khetne, oun rodenn i drom, har te denn le man moulo.

Debleskri gili 42:11

Yon sanenn pral mande oun poučenn mandar hako dives: “Kay hi tiro Devel? Kay ačell lo?” Lengro praasepen hi mange har i merepaskro doukepen an mire kokale.

Debleskri gili 5:3

De yak ap miri gole! Tou hal miro baro ray oun miro Devel, koles me mangau.

Debleskri gili 78:34

Te anas lo o merepen pral lende, rodan le o Debles, oun poučan pale pal leste.

Debleskri gili 84:2

Tou, baro Devel oun ray pral o bolepen oun i phoub, har kamau me tiro kheer o djiyestar!

Debleskri gili 91:2

kova penell ap o baro Debleste: “Pash toute hom khere. Tou hal mange har i baro zorelo kheer, miro Devel, ap toute dikau.”

2. Mose 15:2

Peskri zoryah vas o baro Devel ap miri rig. Miri gilyah sharau les dran o dji. Yob las man vin. Miro Devel hi lo, oun me kamau les te sharell. Miro dadeskro Devel hi lo, oun me kamau les pre te hadell.

2. Mose 17:3

Oun lengri troush vas yaake baro, te penan le i rholyatar ap leste: “Hoske lal tou men dran o them Egiptia vin? Kameh, te meras mer kate i troushatar, mer oun mare čave oun mare firhe?”

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Kamlepaskri gili 5:8

T'mer ča dran Yerusalem, mangau t'men o tselo djiyestar: Te hatsenn t'mer miro pirnes, penenn leske, kay nasselo hom pal leste, yaake boud kamau les.

Jesaja 32:2

Oun hakeno lendar hi har i kheer, kay yek nay khatrell pes glan i baro phourdepen, oun glan i baro zorelo brishin. Ava, yon hi har i panya an i moulo them, oun har i baro bar pal koleste yek pes khatrell, te rhačell o kham tele an i tato them.

Jesaja 35:7

Kote, kay yaake tato his, vell pani khetne oun ačell tardo. Oun kote, kay yaake trouk his, krenn panya i phoub sapeno. Kote, kay i divye djoukle čiddo his, vell panyeskro khass oun shilftikro khass.

Jesaja 41:18

Me moukau pani i berge tele te nashell, oun pani dran i phoub te vell an o telstouno them. Me krau o moulo them te vell lestar i them, kay panya nashenna, oun dran ko trouk them krau i panyeskro them.

Jeremia 31:1

O baro Devel penell: An ko emligo tsiro hom me o Devel o tselo Israeleskre familyenge, oun yon hi mire menshe.

Jeremia 31:33

Ko nevo koova, hoy palle i menshentsa Israel vin krau, hi vavarčandes. Me dau len mire laba an lengre djia oun an lengre sherya. Me vau lengro Devel, oun yon venn mire menshe. Kava penell o baro Devel.

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

Mateo 12:43

Te djas i beng dran i mensheste vin, nashell yob an i them trouyel, kay kek djipen hi, oun rodell peske, kay ačell yob nay, oun hatsell či.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

Johanni 7:37

Ap ko pralstouno oun shoukeder dives, vas o Yezous pale glan kol tsele menshende, oun das gole: “Kones troush hi, kova te vell pash mande oun piyella!

1. Samuel 22:5

Oun o Debleskro rakepaskro, o Gad, penas ap o David: “Ma ač an ko khatepen ap koy berga, dja khere an o them Youda!” Oun o David djas oun vas an o veesh Heret.