Debleskri gili 62:12 - O Debleskro Lab 2024 (Sinte-Manouche)

¹² Boudeder har yek kopo shounom: O Devel kokres hi zorelo,

O Debleskro Drom 2021 (Sinte)

¹² Budeder har jek kopo shunom: O Dewel kokres hi sorelo,

Debleskri gili 62:12 ပူးပေါင်းရင်းမြစ်များ

1. Familjakro liil 29:12

Bravlepen oun sharepen vell toutar. Tou kokres hal o ray. Tou kreh zorelo oun baro, oun nay kreh i menshes baro oun zorelo.

Hiob 33:14

Pale te pale rakrell yob, yek kopo yaake, oun yek kopo yaake. Oun mer menshe dah gar yak koy pre.

Hiob 34:11

Yob dell o menshes ap o shero pale, hoy yob kras, oun yaake, har djivas lo, vell kova ap leste.

Hiob 37:23

Pash leste, ko zoreleste, nay vah mer gar. Leskri zoor hi baro. Hako tsiro krell lo, hoy mishto hi, oun dell hakeneske peskro čačepen.

Hiob 9:19

Te djoms ap leste zoryah, yob hi o zorleder! Te kamoms les glan i čačepangre te anell, penals lo: Kones kameh te bičrell, te anell lo man koy?

Debleskri gili 103:17

O lačepen o baro Deblestar hi gar yaake. Kova ačella hako tsireske. An kek tsiro lell lo les krik kolendar, kay djivenn leha. Ninna lengre čavenge oun kolengre čavenge rikrell yob peskro lab,

Debleskri gili 103:8

O baro Devel hi i lačo Devel, kay krell peskro dji pre peskre menshenge. Yob vell gar sik rhoyedo. Oun leskro lačepen herell gar pre.

Debleskri gili 86:15

Tou, baro Devel, hal i lačo Devel, oun kreh tiro dji tire menshenge pre. Tou veh gar sik rhoyedo, Tiro lačepen hi baro oun tou rikreh pash tire menshende.

Debleskri gili 86:5

Tou hal lačo, miro baro Devel, oun leh i doosh krik. Tiro lačepen hi baro kolenge, kay ap toute gole denn.

Gosewe laba 24:12

Te peneh tou: Mer djinam kova gar! Palle djiness: Kova, kay an i djia dikell, hayvell les. Oun kova, kay ap tiro djipen yak dell, kova djinell les. Oun yob dell o menshes kova pale, hoy lo kras.

Jeremia 32:19

Tou leh touke baro koova glan, oun hoy kreh, hi zorelo. Oun tire yakentsa dikeh i tsele dromma i menshendar, te dess hakenes pal kova, har yob djivas oun hoy lo kras.

Ezekiel 18:30

Doleske penau me, o baro Devel, t'maro ray: Me krau o čačepen vin pral t'mende dran o kheer Israel – pral hakeneste, yaake har djivas lo. Moukenn t'maro čilačo drom! Krenn bouder gar ko tselo čilačo koova, hoy kran, te anenn kek doosh ap t'mende.

Ezekiel 33:20

Ninna te hi kova yaake, penenn t'mer: “O Devel djal gar pal o čačepen.” Djinenn, t'mer dran o kheer Israel: Me krau pral t'mende o čačepen vin, pral hakeneste yaake har yob djivas.

Ezekiel 7:27

O baro ray rovell, oun i pralstoune darenn pengro djipaske. Hakeno an o them trissell i daryatar. Me krau lentsa pal kova har yon kran. Oun yaake har kran yon o čačepen vin pral i vavarende, yaake krau me o čačepen vin pral lende. Palle dikenn oun hayvenn le, te hom me o baro Devel.

Daniel 9:18

Miro Devel, shoun miro mangepen! Kre tire yaka pre oun dik i tele-phagede barra ko forestar, hoy pal tiro lab kharedo hi. Glan toute ham čiddo maro mangepah oun dikah gar ap o čačepen hoy mer krams, na-a mer dikah ap toute, te kress tou tiro baro dji menge pre.

Daniel 9:9

Maro ray oun Devel, tout hi i baro dji oun hal kova, kay lell i doosh krik. Mer moukam tiro drom,

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Remarja 2:6

Ap ko dives dell lo hakenes pal kova, hoy yob kras.

1. Korintarja 3:8

Kova, kay o djob an i phoub vitsrella hi yaake baro har kova, kay pani pre čorella. Oun o Devel dell hakenes, hoy leskri boudi moldo hi.

2. Korintarja 5:10

Ap ko dives, kay rakrell o Yezous Kristo o čačepen pral mende vin, hounte vas mer halauter glan leste tardo. Oun hakeno lell pal kova, hoy yob kras, har djivas lo ap i phoub: lačo koova har čilačo koova.

Efesarja 6:8

Shounenn: Koon lačo koova krella, koleste dell o Devel lačo koova pale. O Devel dikell gar koy pre, hoy ko mensho hi: te hi lo i boudepaskro, te hi lo i ray.

Kolossarja 3:25

Koon o čilačepen krella, kova lell i phagi. Pash o Debleste hi hakeno yaake boud moldo har o vavar.

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.

Debleskro tsiro 22:12

Dik, me vau sik, oun dau hakenes pal kova, hoy yob kras.