Debleskri gili 61:4 - O Debleskro Lab 2024 (Sinte-Manouche)

⁴ Pash toute nay khatrau man. Ava, har i baro zorelo kheer val tou mange, kay me man khatrau glan kolende, kay man palla lenn.

O Debleskro Drom 2021 (Sinte)

⁴ Pash tute nai khatrau man. Awa, har i baro sorelo kheer wal tu mange, kai me man khatrau glan kolende, kai man palla lenn.

Debleskri gili 61:4 ပူးပေါင်းရင်းမြစ်များ

Debleskri gili 15:1

I gili o Davidestar. Baro Devel, koon nay vell an tiro kheer? Kones moukeh tou ap koy berga te djivell, kay tou khere hal?

Debleskri gili 17:8

Rike tiro vast pral mande, yaake har te voms tiri yak. Khate man yaake har i čirklo peskre čaven tel peskre moussya khatrell!

Debleskri gili 23:6

Čačepah, tiro lačepen djal mange palla, oun hako dives kreh tou tiro dji mange pre, yaake rah, har me djivau. Oun me ačau an o baro Debleskro kheer hako tsiro.

Debleskri gili 27:4

Yek koova mangau miro baro Deblestar, kova kamaus me lestar, te nay ačoms an leskro kheer yaake rah har me djivau, te nay dikap o tselo tsiro leskro shoukapen, oun nay poučap pal leskro kamlepen an leskro kheer.

Debleskri gili 57:1

I gili o rayeske pral o gipangre, te givell har koy gili Ma mare men. O David činas kay gili an ko tsiro, har yob glan o Saul ap o naashepen his, oun pes an koy grotta khatras.

Debleskri gili 61:7

De o baro rayes i rah djipen, de les boud bersha, te djivell lo gomme i rah tsiro.

Debleskri gili 62:7

Yob hi har i baro zorelo kheer ap i barreskri berga, kay man khatrau, oun yob ap mande yak della, yaake te perap gar.

Debleskri gili 63:7

Me te hom ap o čiben čiddo, veh tou mange an o shero. An i rat, kay me sovau gar, rakrau touha an miro dji.

Debleskri gili 90:1

O mangepen o Mosestar, ko Debleskro morshestar. Baro Devel, maro ray, tou hal kova, pash koleste nay vah oun khere ham.

Debleskri gili 91:1

Kova, kay beshell tel o vast o Deblestar, ko pralstunestar, oun ačell pash leste, ko zorelo Debleste,

Debleskri gili 91:4

Har i karhni peskre ternen tel leskre moussya khatrell, yaake khatrell o Devel tout tel leskre zorele moussya. Kote nay djal touke či. Yob rikrell tout yaake har lo penas. Doleske nay vell kek čilačepen ap toute.

Debleskri gili 92:13

Kolla, kay an o čačepen tardo hi, venn zorelo har i zenele palmtikre rouka. Yon vell baro har i cedertikre rouka ap i berga Libanon.

Gosewe laba 18:10

O baro Devel hi har i baro zorelo kheer. Kova, kay an o čačepen tardo hi, nashell pash leste oun khatrell pes pash leste.

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Hebrearja 6:18

Ko lab, hoy das o Devel oun das peskro vast pre, nay vell an kek tsiro krik lino. O Devel rhorhella gar. Oun mer, kay vam pash leste, te lell lo men dran o čilačepen vin, men hi kanna leskro zorelo lab, te dell lo men o djipen, hoy gar pre-herella, yaake har yob penas.

Debleskro tsiro 3:12

Kova, kay zoreles an o patsepen ačas, oun gar pre das, dran koleste krau me yekes, kay hi har i baro bar, hoy rikrell miro Debleskro kheer. Oun kova ačell koy tardo hako tsireske. Oun me činau o lab miro Deblestar ap leste, oun o lab o Debleskro forestar. Kova hi o nevo Yerusalem, hoy dran o bolepen tele vella. Oun miro nevo lab činau ninna ap leste.

Ruth 2:12

O baro Devel mou dell tout ko lačepen pale, hoy tou lake kral! Yob, o baro Devel, ko Devel pral o Israel, pash koleste tou val, oun tel koleskro vast tout khatral, yob te dell tout i shoukar bravlepen halautereske, hoy kral.”