Debleskri gili 60:2 - O Debleskro Lab 2024 (Sinte-Manouche)

² Yob kras lat an ko tsiro, har lo an o marepen his i menshentsa Aram dran Mesopotamia oun Soba. Har vas lo pale, maras o Yoab i Edomarya an i Londi Tala: deesh-te-douy zerya morshen.

O Debleskro Drom 2021 (Sinte)

² Job kras lat an ko tsiro, har lo an o marepen his i menshentsa Aram dran Mesopotamia un Zoba. Har was lo pale, maras o Joab i Edomarja an i Londi Tala: deesh-te-dui serja murshen.

Debleskri gili 60:2 ပူးပေါင်းရင်းမြစ်များ

2. Samuel 22:8

Koy trissas i phoub, pral oun tele djas o bolepen o Debleskri bari rholyatar.

2. Samuel 8:1

Pal yek tsiro kouras pes o David pale i Filistarentsa oun vas zorleder har yon, oun las o Israel dran lengre vasta vin, yaake te his kol Filistaryen bouder gar penepaske pral lende.

1. Familjakro liil 18:12

Oun o Abishay, koleskri day i Serouya hi, das i Edomarya ap ko kotar phoub, hoy kharell Londi Tala. Oun yob maras an koy tala 18.000 (deesh-te-orhta-zerya) lourden.

1. Familjakro liil 18:3

O David kouras pes ninna o baro rayeha pral o them Soba. Leskro lab his Hadad-Eser. Har o Hadad-Eser koy djas, te lell lo o them pash ko pani Eufrat dren, vas o David peskre lourdentsa, oun das les oun leskre lourden pash o foro Hamat.

1. Familjakro liil 18:5

Koy van kol Syrarya dran o them Damaskus pash o Hadad-Eser, ko baro ray pral o them Soba, te venn le leske ap i rig. Oun o David maras lendar 22.000 (biish-te-douy-zerya) morshen.

2. Familjakro liil 7:14

oun mire menshe, kay miro labeha kharedo venn, dikenn palle dren, hoy le kran, oun mangenn man, oun rodenn man oun djan pengre čilače dromma tele, palle shounau an o bolepen lengri gole, oun lau lengri doosh krik oun krau lengro them sasto.

Hiob 5:18

Yob doukrell, oun palle čivell lo i pandepen ap ko doukepen. Yob dell khetne, oun leskre vasta krenn pale sasto.

Hiob 9:6

Yob taprell ap i phoub oun koya trissell, Ninna i barra, hoy hidjrenn lat, trissenn.

Debleskri gili 104:32

Yob dikell i phoub an, oun yoy trissella. Yob taprell i berge an, oun i yagakri tampa djal pre dran lende.

Debleskri gili 114:7

O baro Devel his koy. Doleske vas kova yaake. Hakeno ap i phoub hounte trissell glan o baro Debleste, ko Debleste o Yakobestar.

Debleskri gili 18:7

An miri daar kharom ap o baro Debleste. Ava, bari gole dom ap miro Debleste. An peskro raylo kheer shounas lo man, oun miri gole vas glan leskre kanda.

Debleskri gili 89:40

Tou phagal tiri sovel, hoy tiro boudepaskres dal. Leskri rayeskri stadi vitsral ap i phoub, an i čik.

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

Jesaja 30:26

An ko tsiro, kay pandell o baro Devel i pandepen troul o doukepen peskre menshendar, hoy yob len das, oun krell lengro nasselo oun ratlo mass pale sasto, hi o čon yaake zorelo har o kham. Oun o kham hi efta kope zorleder har kanna.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Jesaja 7:8

O foro Damaskus hi o shero o themestar Syria, oun o Rezin hi o baro ray kokres pral Damaskus. Oun o foro Samaria hi o shero o themestar Efrayim, oun o Peka hi o baro ray kokres pral Samaria. Oun an 65 (shob-deesh-te-panč) bersha dell bouder kek them Efrayim. Oun te patsenn t'mer kava gar, palle ačenn t'mer gar!”

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Jeremia 14:17

Oun tou peness lenge kal laba: Me rovau ap o dives oun ap i rati, oun nay moukau gar tele. Mire menshe, kolen kamau har miri čay, hi khetne dino, oun lengro doukepen vell gar bouder sasto.

Jeremia 30:17

Tout oun tiro doukepen krau me pale sasto, penell o baro Devel, ninna te penenn le ap toute o praasedo them un: o foro Sion, pal koleste kek poučella.

Jeremia 4:24

Me dikom ap kol bare oun tikne berge. Kolla trissan.

Jeremia 48:38

Pral ap i khera an o tselo them Moab, oun ap leskre tsele dromma denn le bares gole. O baro Devel penell: Me phagom o them Moab an kotya har i khoro, hoy kek bouder kamella.

Ropaskre gilja 2:13

Ah, Yerusalem, hoy te penap touke? Miro foro, hoy yaake kamau, har nay dap tout kamle laba? Kekeske djas yaake djoungeles har touke! Hoy nay penoms touke, te djal touke feteder? Tiri douk hi yaake baro har o baro pani. Koon nay krell tout sasto?

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Hosea 6:1

Avenn, te djas pale pash o baro Debleste! Yob doukas men, oun yob krell men pale sasto. Yob das men dava, oun yob pandell men pale khetne.

Amos 8:8

Doleske krau, te trissell i phoub, oun hakeno an o them trashell. O tselo them hadell pes oun djal pale tele har o lengsto pani Nil an o them Egiptia.

Habakuk 3:10

I berge dikan tout oun trissan. Zorelo brishin peras tele dran o bolepen. O baro pani das bari gole. O kham bistras te djal lo pre.

Mateo 27:51

Oun ko voudar an o Debleskro baro kheer, hoy his kerdo dran kouč pesso than, kova djas paash an douy kotya foun pral bis tele. Oun i phoub vas trisslemen. Oun i bare barra phagan an kotya.