Debleskri gili 6:6 - O Debleskro Lab 2024 (Sinte-Manouche)

⁶ Te hom moulo, nay sharau me tout bouder gar. Pash i moulende parkrenn le pen gar pash toute.

O Debleskro Drom 2021 (Sinte)

⁶ Te hom mulo, nai sharau me tut buder gar. Pash i mulende parkrenn le pen gar pash tute.

Debleskri gili 6:6 ပူးပေါင်းရင်းမြစ်များ

Hiob 10:1

Kamau bouder gar te djivell. Doleske rikrau miro ropen ninna gar pale, oun rakrau yaake, har miro doukedo dji mange penell.

Hiob 16:20

Mire mala sanenn pral mande. Mire yaka hi pherde sva, har dikau me pre pash miro Debleste.

Hiob 23:2

Ninna kava dives rakrau me dran i doukedo dji. O Debleskro vast hi phares ap mande čiddo, te hounte lap phares dourho.

Hiob 7:3

yaake van mange i tsele čonna, kay djivom čičeske, oun boud ratsya pherdo daar oun douk.

Debleskri gili 115:17

Baro Devel, i moule sharenn tout gar, kek, kay an o moulengro them djal, kote, kay či bouder rakedo vella.

Debleskri gili 30:10

“Hoy hi tout miro merepastar, te merau? Te vom paskedo oun vom pale čik, nay sharau tout bouder gar, vitar gar nay rakrau pral tiro čačepen.

Debleskri gili 38:9

Kek zoor hi bouder an mande, oun me hom phagedo. Miro dji hi yaake dareno, kay dau gole i doukatar.

Debleskri gili 39:12

Tou te deh o menshes i phagi, te anas lo doosh ap peste, palle djal lo yaake paash har i ripen, hoy rhalo vell i kirmestar. Ava, o mensheskro djipen hi či bouder har i dourho.

Debleskri gili 42:3

Ava, man hi troush pal o Debleste, pal ko djido Debleste. Kaana nay vau glan toute an tiro kheer, te dikap tout?

Debleskri gili 69:3

Me tassau an sapeni čik, mire herya hatsenn kek phoub, kay yon nay tardo ačans. Hom an pani, hoy dour tele djal. Oun zorele panya kamenn man tele te tserdell.

Debleskri gili 88:11

Kreh tou baro zorelo koova ap i moulende? Stenn i moule pre oun sharenn tout?

Debleskri gili 88:9

Tou kral, te moukan man mire mala. Hom lenge djoungelo. Me hom dre-pandlo an i bibarht oun vau gar vin.

Jesaja 38:18

An o moulengro them sharenn le tout gar. I moule nay givenn touke kek gilya. Oun kolla kay paskedo hi, nay dikenn bouder gar, te rikreh tou tiro lab.

Jeremia 14:17

Oun tou peness lenge kal laba: Me rovau ap o dives oun ap i rati, oun nay moukau gar tele. Mire menshe, kolen kamau har miri čay, hi khetne dino, oun lengro doukepen vell gar bouder sasto.

Ropaskre gilja 1:16

Doleske rovau, oun mire yaka hi pherde sva. Man hi kek, kay penell mange lače laba, te lell miro dji pale nevi zoor. Mire čave hi kokres koy tardo, Kolla, kay dan men khetne, van i zorleder.

Ropaskre gilja 1:2

An i rati roveh, oun tire sva nashenn touke i čamya tele. Kek tire tsele pirnendar vell, oun penell touke i kamlo lab. Tire tsele mala moukan tout, oun van čilačes ap toute.

Ropaskre gilja 2:11

Mire yaka hi pherde sva, i douk an mande rhačella. Miro dji phagell, te dikau koy bibarht, hoy pral i menshende an miro them vas. Kol terne čave oun ternepen merenn i bokatar ap i dromma an o foro.

Louka 7:38

Oun yoy his tardo pal o Yezouseste oun rovas. Oun lakre sva kran leskre pire sapenes. Oun yoy khossas len peskre ballentsa. Oun yoy čoumras leskre pire, oun makas len o kouč djeteha dren.