Debleskri gili 6:3 - O Debleskro Lab 2024 (Sinte-Manouche)

³ Baro Devel, ab lačes ap mande, mange djal gar mishto! Baro Devel, kre man pale sasto! Man hi bouder kek zoor an mande.

O Debleskro Drom 2021 (Sinte)

³ Baro Dewel, ab latches ap mande, mange djal gar mishto! Baro Dewel, kre man pale sasto! Man hi buder kek soor an mande.

Debleskri gili 6:3 ပူးပေါင်းရင်းမြစ်များ

Debleskri gili 22:14

Pengre bare mouya krenn le pre, oun denn bari gole ap mande har i levo glan peskro rhapen.

Debleskri gili 38:8

An mande rhačrell i tatepen, oun či ap mande hi sasto.

Debleskri gili 42:11

Yon sanenn pral mande oun poučenn mandar hako dives: “Kay hi tiro Devel? Kay ačell lo?” Lengro praasepen hi mange har i merepaskro doukepen an mire kokale.

Debleskri gili 42:5

Miro dji phagell an mande, har moukau mange an miro shero trouyel te djal, har djom boud menshentsa ap o drom oun anom len an o Debleskro kheer. Ap o drom sharam les bari golyah, te parkras men pash leste, oun hams boud, kay givan leske gilya i barhtelo djiyeha.

Debleskri gili 77:7

Rati djas mange boud an o shero trouyel, rakrom miro djiyeha oun rodom te hayvap:

Debleskri gili 9:14

Ab lačes ap mande, baro Devel! Dik o čilačepen, hoy kolla mantsa krenna, kay hi moulo rhoyedo ap mande! Oun tserde tou man vin dran o merepaskro vast!

Debleskri gili 90:13

Baro Devel, har rah kameh te rhoyreh tout ap mende? Dik pale lačes ap mende, tire boudepangre!

Gosewe laba 18:14

I mensho kay zorelo an peskro dji hi, nay hidjrell peskro nasslepen. Te hi leskro dji phagedo, har nay hidjrell lo peskro pharepen?

Jeremia 17:14

Kre man sasto, baro Devel, Te kreh man sasto, palle hom sasto. Le man vin dran i bibarht! Palle nay krell man kek či. Tou hal kova, kones sharau.

Mateo 26:38

Koy penas lo ap lende: “Miro dji rovella, oun mange hi yaake har te merap. Ačenn kate oun sovenn gar dren!”

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

Johanni 12:27

Man hi daar an miro dji. Hoy nay penap me? Tata, le mandar kova krik, hoy ap mande vella? Na-a, me vom ap kay phoub, te lap kova ap mande, hoy kanna vella.