Debleskri gili 6:2 - O Debleskro Lab 2024 (Sinte-Manouche)

² Baro Devel, tou hal rhoyedo ap mande. Ma de man savi bari phagi! Ma de man gar an tiri rholi!

O Debleskro Drom 2021 (Sinte)

² Baro Dewel, tu hal chojedo ap mande. Ma de man sawi bari phagi! Ma de man gar an tiri choli!

Debleskri gili 6:2 ပူးပေါင်းရင်းမြစ်များ

1. Mose 20:17

Har o Abimelek o Abrahameskri romyat las, kras o baro Devel, kay kek djouvel an o Abimelekeskro kheer i ternepen lella. Oun kanna mangas o Abraham o Debles lenge. Oun o Devel kras o Abimelekes sasto oun leskri romyat oun i djouvyen, kay leske boudran, yaake, te lan le pale čave.

Hiob 19:21

Mire mala, krenn t'mare djia mange pre! Avenn mange lačes! O Debleskro vast das man!

Hiob 5:18

Yob doukrell, oun palle čivell lo i pandepen ap ko doukepen. Yob dell khetne, oun leskre vasta krenn pale sasto.

Debleskri gili 22:14

Pengre bare mouya krenn le pre, oun denn bari gole ap mande har i levo glan peskro rhapen.

Debleskri gili 30:2

Me hadau tout, miro baro Devel, tou tserdal man pre, har me dour tele homs, oun moukal gar kolen pral mande te sal, kay mange čilačepen kaman.

Debleskri gili 31:10

Baro Devel, ab lačes mange! Me djivau an i daar, mire yaka hi pesso o ropastar. Oun kek zoor hi bouder an mande.

Debleskri gili 32:3

Har kamom miri doosh gar vin te rakrell, nashrom me miri zoor oun rovom hako dives.

Debleskri gili 38:2

Baro Devel, ma činge ap mande an tiri rholi! Ma de man i phagi an tiri rholi!

Debleskri gili 38:3

Tou dal karye ap mande oun doukral man, oun tiro vast das man ap i phoub tele.

Debleskri gili 38:7

Me nashau bango i doukatar, har te loms dava. Oun o tselo dives rovell miro dji.

Debleskri gili 51:8

Tou rodeh o čačepen an o mensheskro dji. An miro dji sikreh tou, har te vap gosevo.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

Jeremia 10:24

Baro Devel, de man i phagi an o čačepen, oun gar an tiri rholi, te maress man gar!

Jeremia 17:14

Kre man sasto, baro Devel, Te kreh man sasto, palle hom sasto. Le man vin dran i bibarht! Palle nay krell man kek či. Tou hal kova, kones sharau.

Hosea 6:1

Avenn, te djas pale pash o baro Debleste! Yob doukas men, oun yob krell men pale sasto. Yob das men dava, oun yob pandell men pale khetne.

4. Mose 12:13

Oun o Mose das ap o baro Debleste gole: “Ah Devel, kre lat sasto!”

Mateo 4:24

Oun ninna an o tselo them Syria shounan le lestar. Oun yon anan lauteren pash leste, kay nasselo hi. Mashkral lende his kolla, kay hi len bare douka, oun kolla, kay hi an lende benga, oun kolla, kay hi nasselo an pengro shero, oun kolla, kay hi bango. Oun yob kras len sasto.

5. Mose 32:39

Dikenn kanna dren, te hom me kokres o Devel, dell kek vavar Devel har man! Me marau oun me krau djido, me doukrau oun me krau sasto, oun dell kek, kay yekes dran miro vast nay vin lell.