Debleskri gili 6:10 - O Debleskro Lab 2024 (Sinte-Manouche)

¹⁰ Ava, o baro Devel shounas miri gole. Miro mangepen las lo an.

O Debleskro Drom 2021 (Sinte)

¹⁰ Awa, o baro Dewel shunas miri gole. Miro mangepen las lo an.

Debleskri gili 6:10 ပူးပေါင်းရင်းမြစ်များ

2. Rajengro liil 20:5

“Dja pale pale oun pen ap o Hiskiya, ko rayeste pral mire menshende: Kava penell o baro Devel, ko Devel tiro dadestar, o Davidestar: Me shounom tiro mangepen oun me dikom tire sva. Dik, me kamau tout sastes te krell – an o triinto dives nay djah tou pral an o baro Debleskro kheer.

Hiob 6:29

Moukenn tele, čilačepen ap mande pre te anell! Ava, moukenn tele koleha! O čačepen hi ap miri rig!

Debleskri gili 112:10

O čilačo dikell kova oun rhoyrell pes. I rholyatar dandrell lo i danda khetne. Yob merell, oun kova, hoy kamas lo te krell, hi čičeske.

Debleskri gili 132:18

Leskro raylepen vell baro oun bareder. Oun ap kolende, kay leske čilačepen kamenn, čivau bari ladj.

Debleskri gili 2:5

Vell i dives, kay rakrell lo lentsa i rholyah. Ava, leskri rholyah krell lo lenge daar, te penell lo:

Debleskri gili 25:3

Kek, kay pes ap toute rikrell, hounte ladjell pes. Kolla, kay phoukrenn ap toute čičeske, hounte ladjenn pen.

Debleskri gili 35:26

Kre, te ladjenn le pen, oun nay hadenn pengro shero gar pral, kolla lauter, kay hi barhtelo pral miri bibarht! Mou vell praasepen oun ladj ap lende, kay hadenn pen pral mande.

Debleskri gili 5:10

Ap lengro lab nay dell yek či. An lende hi čilačepen. Lengro rakepen anell o merepen. Yon rakrenn douy čipyentsa.

Debleskri gili 55:20

O Devel, kay hako tsiro o Devel hi, kova shounell miro mangepen oun stakrell len tele, kolen, kay kamenn pal pengro shero te djivell, oun kamenn lestar či te djinell.

Debleskri gili 7:6

palle mou lenn man palla kolla, kay hi rhoyede ap mande! Mou taprenn le man, oun vitsrenn man ap i phoub, oun moukenn le man an i čik čiddo!

Debleskri gili 71:13

Mou venn le tele vitsedo oun merenn, kolla, kay mange o čilačepen kamenn. Praasepen oun ladj mou vell ap kolende, kay kamenn miri bibarht.

Debleskri gili 71:24

Hako dives penau doureder, har tou rikral pash mande. Oun kolla, kay kaman miri bibarht, hounte venn tikno oun ladjenn pen.

Debleskri gili 73:19

Ap yek kopo hi le bouder gar koy. Lengro merepen nay vals gar djoungleder!

Debleskri gili 86:17

Sike mande, te hal tou mantsa lačes, baro Devel! Palle hounte ladjenn pen kolla, kay kamenn mange čilačepen, te dikenn le, kay tou ap miri rig hal, oun mire sva tele khosseh.

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jeremia 20:11

O baro Devel hi pash mande oun dell ap mande garda har i zorelo morsh. Doleske perenn kolla, kay man palla lenn oun hounte tserdenn pen pale. Kova, hoy len glan hi, nay krenn yon gar. Oun vavar san pral lende. Hako tsiro hi kova lenge i ladj oun vell lenge gar bistedo.

Maleachi 3:18

Palle dikenn t'mer pale, kay djal gar emliges kolenge, kay an o čačepen tardo hi oun kolenge, kay krenn o čilačepen. Djal vavarčandes koleske, kay mangell o Debles an, har koleske, kay mangell les gar an.

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.