Debleskri gili 59:16 - O Debleskro Lab 2024 (Sinte-Manouche)

¹⁶ hoy nashenn trouyel, te rodenn le penge rhapen. Oun te venn le gar čalo, sikrenn le pengre danda.

O Debleskro Drom 2021 (Sinte)

¹⁶ hoi nashenn trujel, te rodenn le penge chapen. Un te wenn le gar tchalo, sikrenn le pengre danda.

Debleskri gili 59:16 ပူးပေါင်းရင်းမြစ်များ

2. Samuel 22:3

Miro Devel, tou hal kova, pash koleste nay vau oun man khatrau. Tire vasta rikreh tou pral mande. Tou hal ko zorelo ap miri rig, oun hal mange har i zorelo kheer pral ap i berga. Tou kreh miro djipen sasto, oun kreh, te doukrell man kek.

Hiob 15:23

Yob djal kate te kote oun rodell rhapen, oun hatsell či. Oun yob hayvas, te vell i kalo dives pral leste.

Hiob 37:23

Pash leste, ko zoreleste, nay vah mer gar. Leskri zoor hi baro. Hako tsiro krell lo, hoy mishto hi, oun dell hakeneske peskro čačepen.

Debleskri gili 101:1

I gili o Davidestar. Pral o lačepen oun o čačepen kamau me te givell. Tout, mo baro Debles, kamau me te sharell.

Debleskri gili 106:8

O baro Devel sikras, te hi lo lengro Devel, oun vas ap lengri rig, te sikrell lo peskri zoor.

Debleskri gili 138:7

Ninna te hom an i daar, deh tou man nevi zoor, oun čiveh tout kolenge an o drom, kay kamenn mange čilačepen te krell. Tiri zoryah veh tou ap miri rig.

Debleskri gili 143:8

Ap i tsalla mouk man tiro lačepen te shounell. Me dikau ap toute. Sike man havo drom me hounte djap. Miro dji nashell pal toute.

Debleskri gili 145:11

oun sharenn, havo raylo oun lačo baro ray tou hal. Mou penenn le, har baro tiri zoor hi,

Debleskri gili 21:13

Tou leh tiro bogo oun rikreh ap lende, oun kreh, te rissrenn le pen trouyel oun nashenn penge.

Debleskri gili 30:5

Bashrenn o baro Debleske, t'mer, kay han leskro! Sharenn les, oun bistrenn gar, te hi lo o Devel.

Debleskri gili 31:7

Me nay dikau kolen gar glan i yaka, kay mangenn vavar deblen an. Me rikrau man ap toute, baro Devel.

Debleskri gili 36:5

Te hi lo ap peskro čiben čiddo, djal o čilačepen an leskro shero trouyel. Oun yob rikrell zoreles ap i drom, hoy gar mishto hi, oun rikrell pes gar pale, te krell lo o čilačepen.

Debleskri gili 4:1

I gili o rayeske pral i gipangre, te givell pash o bashepen ap i doryengri bashepaskri. O David kras kay gili.

Debleskri gili 46:1

I gili yekestar, kay hi dran i familya Korah. Kay gili hi o rayeske pral i gipangre, te givell lo lat har koy gili terne ča.

Debleskri gili 5:3

De yak ap miri gole! Tou hal miro baro ray oun miro Devel, koles me mangau.

Debleskri gili 77:2

Me dau gole ap miro Debleste, dau bari gole ap leste. Ava, ap o Debleste dau gole, bis te shounell lo man.

Debleskri gili 86:13

Tiro lačepen mange hi baro. Tou lal miro djipen vin dran o merepen.

Debleskri gili 88:13

Djinenn le kote, kay kali rat hi, havo baro koova tou kral an tiri zoor? Hayvenn le tiro čačepen kote an ko them, kay lauter bistedo hi?

Debleskri gili 89:1

Givede laba, hoy o Etan dran i familya Esra pre-činas.

2. Mose 15:6

Tou, mo baro Devel, har zorelo hi tiro čačo vast! Tou, baro Devel, tiro čačo vasteha dal tou kolen an kotya, kay kouran pen touha.

Jeremia 30:7

Ava, havo djoungelo dives vella, i dives, hoy hi har kek vavar! Ko tsiro hi pherdi daar o Yakobeskre čavenge; yon nay djinenn, te venn le vin lino dran kova lauter.

Remarja 15:9

Oun yob vas t'menge, kay han kek bibolde, te sikrell lo t'mende o Debleskro baro lačepen, yaake te sharenn t'mer o Debles. An o Debleskro lab hi činlo, har penell o Yezous Kristo ap o Debleste: Doleske sharau tout mank kolende, kay hi kek bibolde, oun givau gilya touke.

2. Korintarja 1:10

Oun yob moukas men gar te merell, oun krell kova vitar gar an ko tsiro, hoy glan mende hi. Ava, ap leste dikah, te lell lo men pale te pale vin dran o merepen an ko tsiro, hoy gomme glan mende hi.

Efesarja 3:20

Oun yob nay krell boudeder, har mer lestar mangah, oun boudeder, hoy mer hayvah. Yaake bari hi leskri zoor, hoy an mende kova lauter krella. Mer lauter, kay patsah ap o Yezous Kristeste, sharas maro Debles kanna oun hako tsiro. Amen.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.

1. Samuel 17:37

Oun pale penas o David: “O baro Devel, kay las man vin dran o leveskre moussya oun dran o bereskre moussya, kova lell man ninna vin dran i vasta kava Filistarestar.” Oun o Saul penas ap o David: “Dja koy, o baro Devel djal touha!”