Debleskri gili 59:10 - O Debleskro Lab 2024 (Sinte-Manouche)

¹⁰ Tou hal miri zoor. Ap toute kamau me man te rikrell. Miro Devel, tou hal mange i zorelo kheer.

O Debleskro Drom 2021 (Sinte)

¹⁰ Tu hal miri soor. Ap tute kamau me man te rikrell. Miro Dewel, tu hal mange i sorelo kheer.

Debleskri gili 59:10 ပူးပေါင်းရင်းမြစ်များ

2. Samuel 1:17

O David givas i ropaskri gili pral o Sauleste oun pral leskro čaveste Yonatan.

Debleskri gili 112:8

Zoreles ačell leskro dji, oun darell gar, bis te yob tele dikell ap kolende, kay leske čilačepen kaman.

Debleskri gili 21:3

Kova, hoy yob o djiyestar kamas, dal tou les, oun kova, hoy yob toutar mangas, rikral gar pale.

Debleskri gili 46:8

O baro Devel, ko ray pral o bolepen oun i phoub, hi ap mari rig. Yob hi o Yakobeskro Devel oun rikrell peskre vasta pral mende.

Debleskri gili 5:8

Mange hal lačes oun moukeh man an tiro kheer dren te djal. Me nay vitsrau man tele glan tiro raylo kheer, oun nay mangau tout an.

Debleskri gili 54:5

Menshen, kay me gar prindjrau, kolla hadenn pen ap mande, depangre kamenn man te marell. O Devel hi len gar glan i yaka.

Debleskri gili 54:7

Tou deh kolen ko čilačepen pale, hoy yon kaman ap mande te anell. Sike mande, te hal mantsa, oun le len krik kay phoubyatar!

Debleskri gili 56:2

Miro Devel, ab lačes ap mande, i menshe lenn man palla! Hako dives djan le ap mande pre, oun krenn mange o djipen phares.

Debleskri gili 56:6

O tselo dives rissrenn le mire laba trouyel. Yon rodenn, har nay doukrenn le man.

Debleskri gili 59:17

Me kamau tiri zoryatar te givell. Taysarlakro sharau tiro lačepen. Tou hal mange i zorelo kheer, oun i khatepen an kol divessa, kay mange ropaske hi.

Debleskri gili 79:8

De men kek phagi koleske, hoy mare phoure kran! Kre sik tiro dji menge pre! Dik, men hi bouder kek zoor!

Debleskri gili 91:8

Ava, tire yakentsa dikeh tou les. Tou dikeh har i čilače lenn pal kova, hoy yon kran.

Debleskri gili 92:11

Man kral tou zorelo har i divyo gouroum, oun makal man nevo djeteha, hoy pral mande čoral.

Jesaja 65:24

Oun kava vell yaake: Yon dan gomme gar gole, koy dom man glan, oun yon rakrenn gomme, koy shounau me.

Jeremia 17:16

Tou djineh, me homs lenge har i bakrengro, oun krom hoy mange penal. Me kamom gar, te vell bibarht pral lende. Lauter, hoy lenge penom, djineh tou.

2. Korintarja 1:3

Sharas o Debles, o dades maro rayestar, o Yezous Kristestar. Yob hi i lačo dad, oun les hi i baro dji menge, oun moukell men gar kokres.

1. Tessalonikarja 4:15

Mer penah t'menge, hoy o ray Yezous menge penas. Mer, kay ham gomme djido ap ko dives, kay vell o Yezous pale, vah gar sikeder pash leste har kolla, kay meran.

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

1. Samuel 26:10

Palle penas lo: “Me dau man sovel pash o djido Debleste: Yob kokres marell les, nay vell ap leskro tsiro, kay hounte merell lo, nay vell an o marepen.