Debleskri gili 58:9 - O Debleskro Lab 2024 (Sinte-Manouche)

⁹ Yaake har i momeli tele rhačrell, oun bouder gar koy hi, oun yaake har i ternepen, hoy moulo boldo vell oun o kham gar dikas, yaake te ačenn yon vitar gar.

O Debleskro Drom 2021 (Sinte)

⁹ Jaake har i momeli tele chatchrell, un buder gar koi hi, un jaake har i ternepen, hoi mulo boldo well un o kham gar dikas, jaake te atchenn jon witar gar.

Debleskri gili 58:9 ပူးပေါင်းရင်းမြစ်များ

Hiob 18:18

I phoubyatar, kay i djide djivenn, vas lo tradedo an ko tamlo them, kay i moule hi.

Hiob 27:21

I tato zorelo dourho hadell les pre, hidjrell les krik, oun phourdell les krik dran peskro kheer.

Hiob 3:16

Palle čivans le man tel i phoub har sau ternepen, hoy glan o tsiro moules boldo vas. Palle voms paskedo har savo čavo, hoy o kham kek tsireske dikas.

Debleskri gili 10:2

O čilačo hi pre-phourdo oun lell i čorvelen palla, oun krell lentsa ko čilačo koova, hoy leske an leskro shero trouyel djal.

Debleskri gili 10:5

Lauter djal leske, har yob kamella. Te deh tou leste i phagi, patsell lo kova gar, yaake dour hal tou lestar krik. Yob čoungrell ap lauterende, kay leske an o drom tardo hi.

Debleskri gili 118:12

Yon peran ap mande pre har i bine. An i zoor o baro Deblestar nay tradom len pale. Har i yag sik vin djal, hoy an i soubyengre bourra rhačell, yaake sik his le krik.

Debleskri gili 55:23

Vitse kova, hoy touke phares hi, ap o baro Debleste! Yob hi kova, kay lell tiro koova an peskro vast. An kek tsiro moukell yob koles te perell, kay an o čačepen tardo hi.

Gosewe laba 1:27

oun vell pral t'mende har i zorelo baro dourho; te vell i bibarht pral t'mende har i phourdepen, hoy lauter khetne phagell; te vell i pharo tsiro oun bari daar pral t'mende.

Gosewe laba 10:25

Har i zorelo dourho pral i phoub phourdas, his o čilačo bouder gar koy. Kova, kay an o čačepen tardo hi, ačell hako tsireske.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Sikepaskro 7:6

O sapen i dinelendar hi menge gar boudeder moldo har i gole, hoy denn sane kashta tel i piri, te venn le rhačedo.

Jesaja 17:13

Ava, har bare divye panya venn le sik. Koy čingrell o Devel ap lende, oun yon nashenn penge, oun venn tradedo har o phouss, hoy phourdell i zorelo dourho pral o them, oun har patria, hoy phourdell lo trouyel.

Jesaja 40:24

Yon hi har djoba, hoy an i phoub vitsedo hi. Yaake sik har i drab lendar vin djal, phourdell i dourho pral lende, te venn le trouk. Oun i baro phourdepen phourdell len krik har phouss.

Jeremia 23:19

Shounenn: O baro Debleskri rholi vell yaake pral t'mende, har i baro dourho pral i phoub phourdell. I zorelo phourdepen djal tele ap i sherya i čilačendar.

4. Mose 16:30

Te krell o baro Devel čomone neves, kay i phoub krell peskro mouy pre, oun tserdell len dren lauterentsa, hoy len hi, yaake te djan yon djides tele an o moulengro them, palle djinenn t'mer, kay kalla morsha pral o baro Debleste djoungeles rakran.”