Debleskri gili 57:5 - O Debleskro Lab 2024 (Sinte-Manouche)

⁵ Me hom čiddo mank menshe, kay hi har leve, kay kamenn man pre te rhal. Lengre danda hi har čourya oun fayle, oun lengri čip dell čourye har i rharo.

O Debleskro Drom 2021 (Sinte)

⁵ Me hom tchiddo mank menshe, kai hi har lewe, kai kamenn man pre te chal. Lengre danda hi har tchurja un faile, un lengri tchip dell tchurje har i charo.

Debleskri gili 57:5 ပူးပေါင်းရင်းမြစ်များ

1. Familjakro liil 29:1

Oun o baro ray, o David, penas ap i tsele menshende, kay kote khetne his: “O Devel rodas yek mire čavendar vin, o Salomes: Yob hi terno oun djinell gomme gar, har te krell lo i kheer. Oun i kheer maro Debleske te krell, hi i bari boudi. Kova vell gar i kheer i mensheske, na-a, kova vell i kheer o baro Debleske.

Debleskri gili 148:13

Kolla lauter mou sharenn o baro Debleskro lab. Leskro lab hi bareder har i tsele vavar laba. Leskro raylepen djal pral i phoub oun o bolepen.

Debleskri gili 21:13

Tou leh tiro bogo oun rikreh ap lende, oun kreh, te rissrenn le pen trouyel oun nashenn penge.

Debleskri gili 57:11

Tiro lačepen hi yaake baro har o bolepen. Oun tiro čačepen djal bis pash i volke.

Debleskri gili 59:8

Čilačepen vell dran lengro mouy vin. Lengre laba činenn har rhare. Yon patsenn, te shounell len kek.

Debleskri gili 64:4

Lengre čipya hi har rhare, hoy mishto činenna, lengre laba doukrenn har fayle.

Debleskri gili 72:19

Sharas leskro baro raylo lab hako tsiro! Leskro raylepen mou vell diklo an i tsele themma! Amen, yaake te vell kova!

Debleskri gili 8:1

I gili o rayeske pral i gipangre, te givell pash o bashepen ap i bashepaskri orhta doryentsa. O David kras kay gili.

Gosewe laba 12:18

Laba, hoy sik vin rakedo venna, nay denn čourye har i rharo. O rakepen i goseve menshendar anell sastepen.

Gosewe laba 30:14

Hi menshe koy, kolengre danda doukrenn har rhare oun činenn har čourya. Oun yon rhan i čorvelen an o them, oun kolen, kay lenge kek ap i rig vell.

Jesaja 12:4

Oun ap ko tsiro denn t'mer gole: Parkrenn t'men pash o baro Debleste! Denn ap leste gole, te vell lo ap t'mari rig! Penenn i menshenge an i tsele themma, hoy lo kras. Penenn hakeneske te hi leskro lab bareder har hako vavar lab!

Jesaja 2:11

Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

Jesaja 2:17

Palle vell lenge kova krik lino, koleha i menshe phourdan pen pre. Oun lengro sharepen ačell gar. Ap ko dives hi kokres o baro Devel o Devel pral halauter.

Jesaja 37:20

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”

Jesaja 6:3

Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

Habakuk 2:14

Yaake har o baro pani pherdo pani hi, vell i tseli phoub pherde menshe, kay djinenn, har raylo o baro Devel hi.

Habakuk 3:3

O Devel vell dran o them Teman, dran kol berge, hoy kharenn Paran. O bolepen hi pherdo leskro raylepen. Oun ap i tseli phoub sharenn les i menshe.

4. Mose 14:21

Yek koova hi yaake čačo har me djivau, oun i tseli phoub pherdo miro raylepen vell: