Debleskri gili 56:7 - O Debleskro Lab 2024 (Sinte-Manouche)

⁷ An pengro khatepen hi le čiddo, lenn le man an o yak, oun djinenn hako djapen mandar. Yon rodenn, har nay denn le man moulo.

O Debleskro Drom 2021 (Sinte)

⁷ An pengro khatepen hi le tchiddo, lenn le man an o jak, un djinenn hako djapen mandar. Jon rodenn, har nai denn le man mulo.

Debleskri gili 56:7 ပူးပေါင်းရင်းမြစ်များ

Debleskri gili 36:12

Mouk i pre-phourden gar te stakrenn le man tele. Kre te nay tradenn man i čilače gar dran miro kheer vin.

Debleskri gili 37:32

O čilačo lell koles an o yak, kay an o čačepen tardo hi, te hatsell lo i drom, te nay dell lo les moulo.

Debleskri gili 49:6

Hoske te darap an i čilače divessa, kay kolla troul mande hi, kay mange čilačepen kamenna?

Debleskri gili 55:15

Mer hayvam men yaake mishto, oun djam khetne an o Debleskro kheer.

Debleskri gili 55:23

Vitse kova, hoy touke phares hi, ap o baro Debleste! Yob hi kova, kay lell tiro koova an peskro vast. An kek tsiro moukell yob koles te perell, kay an o čačepen tardo hi.

Debleskri gili 55:9

Sik nashoms, te khatrap man glan o baro oun zorelo dourho, hoy pral i phoub phourdell, oun glan o baro brishin.

Debleskri gili 59:4

Dik, baro Devel, har yon lourenn, te marenn le man! Fothe krom me či, oun kek doosh ap mande hi, djan zorele morsha khetnes ap mande.

Sikepaskro 8:8

O menshes hi kek zoor, te nay rikrell lo o phourdepen pre. Oun les hi kek zoor pral ko dives, kay merell lo. Ninna glan o kourepen nay nashell peske kek. Oun peskro čilačo koova nay lell gar o čilačes vin dran i bibarht.

Jesaja 28:15

T'mer penan: “Mer kram vin o merepah oun o moulengro themeha, te vas menge či. Ninna te venn i lourde dran vavar themma har i baro zorelo pani pral mende, venn le gar zorleder har mer.” T'mer patsenn, te nay khatrenn t'men pal t'mare rhorhene laba oun pal ko rhorhepen, hoy kran.

Jeremia 10:25

Tiri rholi mouk te vell pral kol menshende, kay kamenn toutar či djinell, pral kolende, kay tout gar sharenn! Har divye firhe vavar firhen rhan, yaake rhan yon o Yakobeskre menshen pre, bis te bouder či pral ačas, Oun dran leskro them kran yon i moulo them.

Jeremia 7:10

Oun palle venn t'mer glan mande an kava kheer, hoy mange kerdo vas, oun penenn: Menge nay djal či. Oun krenn savo koova doureder, hoy rhoyran man.

Habakuk 1:13

Tire yaka hi yaake djoudjo, te nay dikeh kek čilačepen. Tou nay dikeh gar har i menshe doukedo venna. Hoske kreh tou či, te dikeh kol rhorhene phoukepangren, oun peneh kek lab, te rhal o čilačo koles pre, kay hi lačeder oun čačeder har yob?