Debleskri gili 56:10 - O Debleskro Lab 2024 (Sinte-Manouche)

¹⁰ Ap ko dives, kay dau ap toute gole, hounte djan kolla pale, kay kamenn man te marell. Kava hi, hoy djinau: Tou hal mantsa, miro Devel.

O Debleskro Drom 2021 (Sinte)

¹⁰ Ap ko diwes, kai dau ap tute gole, hunte djan kolla pale, kai kamenn man te marell. Kawa hi, hoi djinau: Tu hal mantsa, miro Dewel.

Debleskri gili 56:10 ပူးပေါင်းရင်းမြစ်များ

1. Mose 32:11

Me, tiro boudepaskro, hom gar moldo, kay hal yaake lačo oun kamlo ap mande. Har djom pral o pani Yordan, his man či har i kasht an o vast. Kanna hi man i bari familya oun kal boud firhe, kay hi ap douy bare platse.

2. Familjakro liil 18:31

Oun har i pralstoune pral i vourdya o Yosafates dikan, patsan yon, kay yob o ray pral o them Israel hi, oun djan troul leste, te kourenn le pen leha. Kote moukas o Yosafat i gole. Oun o baro Devel vas ap leskri rig, oun kras te rissran le pen lestar krik.

Debleskri gili 118:6

O baro Devel hi pash mande. Me darau gar. Hoy nay krell man i mensho?

Debleskri gili 124:1

I gili o Davidestar te givell ap o drom an Yerusalem. Hoy vals, te vals o baro Devel gar ap mari rig? Pen les mange, tou Israel!

Debleskri gili 124:2

Te vals o baro Devel gar ap mari rig, har i menshe pre djan ap mende,

Debleskri gili 56:4

Ap ko dives, kay man i daar taprella, dikau me ap toute, mo Devel, oun rikrau man ap toute.

Debleskri gili 60:6

Kolen, kay touha djivenna oun ap toute shounenna, sikral, har te nay nashenn le penge glan i lourdende.

Mateo 24:35

O bolepen oun i phoub ačenna gar. Mire laba ačenna hako tsiro.

Hebrearja 6:18

Ko lab, hoy das o Devel oun das peskro vast pre, nay vell an kek tsiro krik lino. O Devel rhorhella gar. Oun mer, kay vam pash leste, te lell lo men dran o čilačepen vin, men hi kanna leskro zorelo lab, te dell lo men o djipen, hoy gar pre-herella, yaake har yob penas.

2. Petro 1:4

Glan i rah tsiro penas o Devel i menshenge, te bičrell lo lenge yekes, kay lell len dran o merepen vin, oun dell len o Debleskro djipen. Ko baro oun kouč koova kras lo kanna menge. Mer lam o Debleskro djipen oun hounte kras bouder gar ko djoungelo koova, hoy i menshe ap kay phoub yaake kamenna, oun hoy anell lenge o merepen.