Debleskri gili 55:5 - O Debleskro Lab 2024 (Sinte-Manouche)

⁵ Miro dji kamell i trashatar tardo te ačell. Oun me darau, te hounte merap.

O Debleskro Drom 2021 (Sinte)

⁵ Miro dji kamell i trashatar tardo te atchell. Un me darau, te hunte merap.

Debleskri gili 55:5 ပူးပေါင်းရင်းမြစ်များ

2. Samuel 15:14

O David penas ap peskre an-dikle morshende, kay pash leste an o foro Yerusalem his: “Nashas menge! Mer nay tserdah men gar kokres dran o Absalomeskre vasta. Krenn sik, te ham krik, te vell lo! Te taprell lo men, anell lo bibarht pral mende, oun dell kol menshen an o foro o rhareha moulo!”

Hiob 21:6

Te vell mange an miro shero, har djoungeles mange djal, taprell man i daar, oun moukell man te trissell.

Hiob 6:4

Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

Debleskri gili 119:120

Toutar darau yaake, te trissau. Tou deh i phagi kolen, kay shounan gar ap toute.

Debleskri gili 18:6

I moulengro them pandas peskre shelle troul mande, oun o merepaskre shelle tserdan man tele.

Debleskri gili 42:6

Hoske rovell miro dji, oun hi yaake pharo an mande? Ap miro Debleste kamau te dikell. Me djinau, te vell i tsiro, kay sharau les, miro Debles, te vas lo ap miri rig.

Debleskri gili 61:2

Shoun, miro Devel! Shoun miri gole! Shoun, har me tout mangau!

Jesaja 21:4

Me hom nasselo an o shero, i daar moukell man te trissell. Dikom ap i rati, te djal mange feteder. Har i rati vas, djas mange gomme djoungleder.

Ezekiel 7:18

Gone čivenn le troul pende har ripya, oun činenn pengre balla ap lengro shero tele, te sikrenn le har boud khaytell len lengri doosh. Yon trissenn i daryatar. Oun lengre sherya hi lolo i ladjatar.

Louka 22:44

Oun o Yezous mangas o Debles zorleder, oun rat nashas leskro sherestar tele ap i phoub, yaake zoreles vas i daar ap leste.