Debleskri gili 55:23 - O Debleskro Lab 2024 (Sinte-Manouche)

²³ Vitse kova, hoy touke phares hi, ap o baro Debleste! Yob hi kova, kay lell tiro koova an peskro vast. An kek tsiro moukell yob koles te perell, kay an o čačepen tardo hi.

O Debleskro Drom 2021 (Sinte)

²³ Witse kowa, hoi tuke phares hi, ap o baro Debleste! Job hi kowa, kai lell tiro koowa an peskro wast. An kek tsiro mukell job koles te perell, kai an o tchatchepen tardo hi.

Debleskri gili 55:23 ပူးပေါင်းရင်းမြစ်များ

2. Samuel 3:27

Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

Hiob 15:32

Yob hi har i rouk, hoy vell djelto glan peskro tsiro, oun hidjrell an kek tsiro bouder zenele patria.

Debleskri gili 112:6

Yob ačell zoreles tardo hako tsireske. Kova, kay an o čačepen tardo hi, vell an kek tsiro bistedo.

Debleskri gili 121:3

Yob moukell tout gar te perell. Yob sovell gar oun rikrell peskre vasta pral toute.

Debleskri gili 25:2

Ap toute rikrau man, miro Devel. Mouk man gar čičeske ap toute te dikell, te nay san kolla pral mande, kay kamenn mange čilačepen.

Debleskri gili 5:6

Kol pre-phourden kameh tou gar glan tire yaka te dikell, oun tou rhoyreh tout ap hakeneste, kay i vavarenge čilačepen krella.

Debleskri gili 58:9

Yaake har i momeli tele rhačrell, oun bouder gar koy hi, oun yaake har i ternepen, hoy moulo boldo vell oun o kham gar dikas, yaake te ačenn yon vitar gar.

Debleskri gili 66:9

Yob rikras men ap o djipen, oun das yak, te peras gar.

Debleskri gili 73:18

Čačepah, tou čival len ap i sapeni phoub, kay hounte perenn le.

Gosewe laba 10:27

Kova, kay djivell o baro Debleha, djivell boud bersha. O djipen o čilačestar vell tikneder.

Gosewe laba 15:11

O baro Devel djinell, hoy hi an o telstunepen oun an o moulengro them. Har boud boudeder djinell yob, hoy an i menshengre djia hi.

Gosewe laba 27:20

O moulengro them vell gar čalo. Yaake hi ninna i menshengre yaka: Yon lenn gar doha.

Sikepaskro 7:17

Rike tout pale o čilačepastar! Oun ma ab har i dinelo! Hoske kameh te merell glan tiro tsiro?

Jesaja 38:17

Dik, kova his mange mishto, te vom nasselo: An tiro kamlepen tserdal tou miro djipen vin dran o merepen. I tseli doosh, hoy me ap mande anom, vitsral tou pal tiro doumo.