Debleskri gili 53:6 - O Debleskro Lab 2024 (Sinte-Manouche)

⁶ Ap yek kopo taprenn le i traash, ninna te hi či koy, hoy len nay traash krella. O Devel marell kolen, kay ap peskre menshende pre djan. Oun lengre kokale ačenn čiddo oun venn gar paskedo. O Devel čivas len pale.

O Debleskro Drom 2021 (Sinte)

⁶ Ap jek kopo taprenn le i traash, ninna te hi tchi koi, hoi len nai traash krella. O Dewel marell kolen, kai ap peskre menshende pre djan. Un lengre kokale atchenn tchiddo un wenn gar paskedo. O Dewel tchiwas len pale.

Debleskri gili 53:6 ပူးပေါင်းရင်းမြစ်များ

Esra 3:11

Oun yon givan, sharan oun parkran pen pash o baro Debleste: “Yob hi lačo oun leskro kamlepen hi an hako tsiro pral Israel.” Oun i tsele menshe dan gole i barhtyatar, har parkran le pen pash o baro Debleste doleske, kay i telstoune barra leskro khereske čiddo his.

Nehemia 12:43

Oun ap ko dives anan le boud firhen o Debleske. Oun yon givan oun khelan i barhtyatar. O Devel kras, te van lengre djia barhtelo oun san. Oun ninna i djouvya oun i čave dan gole i barhtyatar. Oun koy bari barhteli gole an o foro Yerusalem vas shounlo foun doural.

Hiob 42:10

Oun har o Hiob peskre malenge mangas, las o baro Devel koy bibarht o Hiobestar krik, oun kras les pale bravelo, oun das les douy kope yaake boud, har les his.

Debleskri gili 14:7

Har kamaus me, te vals kova koy berga Sion tele, kay lell o Israel vin dran i bibarht! Ava, har kamaus me, te anell o baro Devel peskre pandle menshen pale! Palle stenna o Yakobeskre čave i barhtyatar, ava, o tselo Israel vell barhtelo.

Debleskri gili 50:2

Ap i berga Sion, an o shoukeder foro, sikras pes o Devel an peskro raylepen.

Debleskri gili 85:1

I gili yekestar dran i familya Korah. Kay gili hi o rayeske pral i gipangre.

Gosewe laba 28:1

O čilačo hi ap o naashepen, ninna te lell les kek palla. Kova, kay an o čačepen tardo hi, hi har i terno levo oun darell či.

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 14:32

Hoy hounte penas kolenge, kay i Filistarendar bičedo van? Penenn lenge: O baro Devel čivas o foro Sion zoreles pre. Oun kate nay khatrenn pen peskre čorvele menshe kek daryah.

Jeremia 30:18

Kova penell o baro Devel: Me anau mire menshen pale khere an pengro them, oun krau miro dji haki familyake pre. Oun o foro Yerusalem vell pale pre-čiddo ap peskre berge, oun o baro rayeskro zorelo kheer kote, kay lo tardo his.

Jeremia 31:23

Kova penell o baro Devel, ko ray pral o bolepen oun i phoub, kay o Israeleskro Devel hi: “An ko tsiro, kay anau len pale dran kol themma, kay yon pandle his, penenn i menshe dran i forya an o them Youda: O baro Devel mou čivell peskri barht ap toute, tou them, kay o čačepen khere hi, oun o Devel ap peskri berga djivell.

Joel 3:1

Oun pal kova čorau miro dourho vin pral i tsele menshende. Oun t'mare čaven oun čen dau i lab mandar, hoy penenn le doureder. Oun t'mare phoure denn sounya, oun t'mare terne morsha dikenn dikepen.

3. Mose 26:17

Me dikau bouder gar lačes ap t'mende, oun t'mer venn dino kolendar, kay kourenn pen t'mentsa. Kolla, kay kamenn t'maro merepen, venn ray pral t'mende. T'mer han ap o naashepen, ninna te lell t'men kek palla.

3. Mose 26:36

Kolla, kay t'mendar pral ačenn an kol vavar themma, kay le pandle hi, kolen krau yaake dareno, te vell len daar glan i patri, hoy krik phourdedo vell. Lestar nashenn le, har te lals yek len o rhareha palla. Oun yon perenn, oun yek perell pral o vavareste, ninna te hi kek koy, kay len palla las. Oun t'men hi kek zoor, te kourenn t'men kolentsa, kay ap t'mende djan.

Amos 9:14

Me anau mire menshen Israel pale an lengro them. Oun yon krenn i tele-phagede forya pale neves, oun djivenn koy dren, oun čivenn drakengre rouka an i phoub, oun piyenn lengri mool, čivenn rouka an i phoub oun rhan lengre roukengre.