Debleskri gili 53:1 - O Debleskro Lab 2024 (Sinte-Manouche)

¹ I gili o rayeske pral i gipangre, te givell har koy gili Mahalat. O David kras kay gili.

O Debleskro Drom 2021 (Sinte)

¹ I gili o rajeske pral i gipangre, te giwell har koi gili ‘Mahalat’. O David kras kai gili.

Debleskri gili 53:1 ပူးပေါင်းရင်းမြစ်များ

1. Rajengro liil 12:26

Oun o Yerobeam rakras an peskro dji: Te krau či, perell o them pale ap o Davideskre čavende.

1. Rajengro liil 14:24

Koy his ninna morsha oun djouvya, kay bikran pen lovenge ap kol moulne platse. Oun i menshe an Youda kran ko tselo djoungelo koova, hoy kol menshe kran, kolen o baro Devel vin tradas dran o them, har i Israelitarya dren van.

Hiob 14:4

I tsele menshen hi doosh ap pende. Har nay vell lendar yek, koles kek doosh ap peste hi?

Hiob 15:16

Har boud boudeder hatsell lo doosh ap o mensheste. O mensho krell djoungelo koova oun hi či-moldo. O čilačepen krell lo, har te piyals lo pani.

Debleskri gili 10:11

An peskro dji penell lo peske: “O Devel djinell kova gar. Yob das gar yak pre oun dikell či.”

Debleskri gili 10:13

Hoske nay praasell tout kova, kay kamell toutar či te djinell? Hoske nay penell lo an peskro dji: “O Devel poučella gar palla.”

Debleskri gili 10:4

O čilačo rikrell o nak pral oun penell peske: O Devel poučell gar palla. Lauter, hoy leske an o shero trouyel djala, hi: Dell kek Devel.

Debleskri gili 10:6

Yob penell peske an peskro dji: Či nay vitsrell man trouyel. Kek bibarht vell ap mande.

Debleskri gili 88:1

I gili o rayeske pral i gipangre, te givell har koy gili Mahalat Leannoth. Kay gili kras yek dran i familya Korah. O Heman dran i familya Esra činas kal laba.

Debleskri gili 92:6

Baro Devel, havo baro koova kral tou! Hi phares menge te hayvas, hoy touke an o shero djal.

Ezekiel 16:47

Touke his gar doha, te djas ap lengre čilače dromma, oun te kress ko djoungelo koova, hoy yon kran! Na-a, tou val gomme čilačeder har yon, oun kral gomme djoungleder koova har yon kran.

Ezekiel 16:51

Tou hal boudeder har douy kope yaake čilačo har i Samaria. Tou kral boudeder djoungelo koova har i Sodom oun i Samaria kran. Te dikell yek ap toute, oun palle ap lende, hounte patsell lo, te hi kol douy lače forya.

Mateo 5:22

Me penau t'menge: Koon ap peskro phraleste rhoyedo hi, kova hounte vell glan o čačepaskro anlo. Oun koon peskro phrales praasella, kova hounte vell glan i pralstoune čačepangre anlo. Oun koon penella: Dja touke pash o bengeste! kova vella an o bengeskri yag vitsedo.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Remarja 1:21

Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Efesarja 5:12

Kova, hoy yon čorrhanes krenna, hi yaake djoungelo, te hounte ladjell kova pes, kay kolestar rakrella.

5. Mose 12:31

Ma krenn sau kova t'maro baro Debleha! Kova lauter, hoy yon pengre deblenge kran, hi djoungelo oun čilačo glan o baro Debleskre yaka. Ninna pengre morsh čaven oun pengre čen rhačran le lenge an i yag.

1. Petro 4:3

I rah tsiro djivan t'mer har kol menshe, kay o Debles gar prindjrenna. T'mer kran vi-ladjedo koova. Oun t'maro dji nashas pal čilačo koova. T'mer piyan t'men mato, rhan t'men nasselo, oun mangan vavar koova an har o Debles. Kova hi čilačo glan o Debleskre yaka.