Debleskri gili 51:16 - O Debleskro Lab 2024 (Sinte-Manouche)

¹⁶ Me anom rat ap mande, ma de man moulo, miro Devel! Tou hal o Devel, kay lell man vin dran o merepen. Oun me kamau tiro čačepen te sharell.

O Debleskro Drom 2021 (Sinte)

¹⁶ Me anom rat ap mande, ma de man mulo, miro Dewel! Tu hal o Dewel, kai lell man win dran o merepen. Un me kamau tiro tchatchepen te sharell.

Debleskri gili 51:16 ပူးပေါင်းရင်းမြစ်များ

2. Samuel 12:9

Hoske rikral tout gar ap miro lab? Hoske kral, hoy gar mishto hi glan mire yaka? O Uriya, ko Hetares, dal o rhareha moulo. Leskri romyat lal tou, te vell yoy tiri romni. Oun tou čival les kote an o kourepen, kay i Ammonarya les moulo dan.

Debleskri gili 40:6

Miro baro Devel, har boud hi ko baro koova, hoy tou ap mende kral, hoy kek vavar nay krals, har tou kokres. Te kamoms pral kova lauter te rakrell, nay kroms kova gar, yaake boud hi kova.

Debleskri gili 50:8

Čingrau gar, te anals tou mange kek firhen. Kol firhen, hoy tou mange rhačral, hi hako dives glan mire yaka.

Debleskri gili 51:6

Ap toute kokres krom, hoy čilačo hi. Ava me krom, hoy midjak hi glan tire yaka. Doleske hi tout čačes an tiro rakepen. Tou kreh o čačepen, te deh man i phagi.

Debleskri gili 71:15

Me penau i vavarenge, har čačo tire dromma hi. Hako dives rakrau pral o lačepen, hoy tou lauter kral. Kova hi boudeder har nay hayvau.

2. Mose 21:14

Te das lo les čorrhanes oun an o čilačepen temerl, dell kek platsa, kay ačell lo nay djido, vitar gar, te nashell lo an o Debleskro kheer pash o Debleskri sasterni rhačepaskri. Lenn les kotar krik oun denn les temerl!

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Gosewe laba 21:27

Kova, hoy anenn i čilače o baro Debleske, hi djoungeles glan leskre yaka. Har boud boudeder, te krenn le kova dran i čilačo dji.

Jeremia 7:27

Te peneh tou, Yeremia, lenge kova lauter, shounenn yon gar ap toute. Te deh tou len gole, penenn yon či koy pre.

Hosea 6:6

Dikenn, hoy kamau: Kamau, te rikrenn t'mer i lačo djiyeha ap mande, oun kamau gar, te anenn mange firhen. Kamau te prindjrenn man čačepah, oun kamau gar, te rhačrenn mange firhen.

4. Mose 15:27

Te anell yek i doosh ap peste oun djinas gar, kay kaya i doosh his, palle hounte dell yob yek bouzni, kay yek bersh phouro hi, te vell leskri doosh krik lino.

4. Mose 35:31

Te das yob čačepah yekes moulo, nay ginell lo pes gar vin. T'mer hounte lenn kek love lestar, vitar gar leskre menshendar. Maredo hounte vell lo.

5. Mose 22:22

Te hatsell yek i morshes, kay hi čiddo pash i djouvel, koya i vavareskri romni hi, palle hounte merenn kol douy: ko morsh, kay pash late čiddo his, oun koy djouvel. Yaake čivenn t'mer o čilačepen dran Israel vin.

1. Samuel 15:22

O Samuel penas: “Hoy patseh, hi shoukar o baro Debleske: Fiche, hoy leske maredo venn, save hoy leske tseles rhačedo venn oun save, kolengre feteder kotya mass leske rhačedo venn? Kamell lo gar boudeder, te shounell yek ap kova, hoy lo penell? Djin, te shouneh tou ap o baro Debleste, hi kova leske feteder, har te deh les firhen. Te shouneh tou mishto ap leste, hi kova feteder, har te deh les thoulle kotya i bakrestar.