Debleskri gili 50:5 - O Debleskro Lab 2024 (Sinte-Manouche)

⁵ “Anenn mange mire menshen khetne, kay mantsa vin kran, te vap me lengro Devel, oun mange firhen anan.”

O Debleskro Drom 2021 (Sinte)

⁵ “Anenn mange mire menshen khetne, kai mantsa win kran, te wap me lengro Dewel, un mange viechen anan.”

Debleskri gili 50:5 ပူးပေါင်းရင်းမြစ်များ

Debleskri gili 30:4

Baro Devel, tou lal miro djipen vin dran o merepen, te djom gar an o moulengro them. Tou dal man miro djipen pale.

Debleskri gili 97:10

T'mer, kay o baro Debles kamenna, stakrenn o čilačepen khetne. O baro Devel rikrell peskre vasta pral o djipen kolendar, kay leskre hi, oun lell len vin dran o vast i čilačendar.

Gosewe laba 2:8

Yob vell ap i rig kolenge, kay krenn o čačepen, oun rikrell peskre vasta pral kolende, kay djan ap leskro drom.

Jesaja 13:3

Me, o baro Devel, dom mire zorele kourepangren khetne gole. Kolla, kay hadenn man barhteli golyah, čivom mange ap i rig, te anenn le miri rholi pral lende.

Zakarie 14:5

Koy tala djal yaake dour har Azel. An koy tala mank o baro Debleskre berge nashenn t'mer t'menge yaake, har t'mare phoure nashan penge, har i berge trissan an ko tsiro, kay o Usiya o baro ray pral o them Youda his. Oun palle vell miro baro Devel. Oun leskre tsele bolepangre venn khetne leha.

Mateo 24:31

Oun yob bičrell peskre bolepangren pral i tseli phoub. Oun kolla phourdenn an i bashepangre, te anenn le dran hako them kolen khetne, kay o Devel peske vin rodas.

Mateo 26:28

Kay mool hi miro rat, hoy me ratau boudenge, te lap lengri doosh lendar. Yaake krau i drom, kay o Devel oun i menshe mala venna.

1. Tessalonikarja 3:13

Palle venn t'mare djia zorelo oun djoudjo. Oun o Devel, maro dad, hatsell kek doosh ap t'mende ap ko dives, kay vell o Yezous, maro ray, pale lauterentsa, kay leskre hi.

2. Tessalonikarja 2:1

Mire phrala, kanna kamah te penas t'menge pral ko tsiro, kay vell maro ray, o Yezous Kristo, pale, te lell lo men pash peste.

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

Hebrearja 13:20

O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.

Judas 1:14

Glan i rah tsiro penas pral lende o Henok, kova his o eftato dad pal o Adam: Dikenn, o Devel, maro ray, vell dran o bolepen. Oun boud zerya bolepangre hi pash leste.