Debleskri gili 50:2 - O Debleskro Lab 2024 (Sinte-Manouche)

² Ap i berga Sion, an o shoukeder foro, sikras pes o Devel an peskro raylepen.

O Debleskro Drom 2021 (Sinte)

² Ap i berga Zion, an o shukeder foro, sikras pes o Dewel an peskro railepen.

Debleskri gili 50:2 ပူးပေါင်းရင်းမြစ်များ

Debleskri gili 48:2

O baro Devel, zorelo hi lo! Maro Devel, moldo hi lo, te sharas les an peskro foro, hoy hi pral ap koy berga, kay yob djivella.

Debleskri gili 48:3

Shoukar hi o foro ap i berga Sion. I barht hi i tseli phoubyake. An kava foro hi o Devel o baro ray.

Debleskri gili 68:24

Yaake te thoveh tire herya an o rat kolendar, kay kaman tout te marell, oun tire djoukle piyenn les.

Debleskri gili 80:1

I gili o rayeske pral i gipangre, te givell pash o bashepen ap i shob-doryengri bashepaskri. Kay gili kras o Asaf.

Debleskri gili 80:17

Dik, har hi lo tele dino oun pre-rhačedo! Činge yaake ap kolende, kay kova kran, te phagenn le khetne.

Debleskri gili 80:2

Shoun ap mende, tou, kay deh yak ap i Israelende. Har i bakrengro yak dell ap peskre bakre, deh tou yak ap o Yosefeskre čavende. Tou, kay hal beshdo pral i keroubim, ab, oun sike tout

Debleskri gili 94:1

Baro Devel, tou hal o Devel, kay o čilačepen pale deh kolenge, kay vavaren čilačepen kran. Ab, oun sike tout!

Kamlepaskri gili 5:16

Leskro rakepen hi goudlo, oun halauter ap leste hi kamlo. Kova hi miro pirno; ava, kova hi miro maal, t'mer ča dran o foro Yerusalem!

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 26:21

O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

Ropaskre gilja 2:15

Halauter, kay djan ap o drom, oun dikenn tout, denn i vasta khetne pral o shero, denn shol, oun čivenn o shero ap i rig, oun san pral kova, hoy toutar pral ačas, Yerusalem: “Hi kava kau foro, pral koleste penlo vas: Kek foro hi shoukeder har kava! I tseli phoub dikell barhteles ap leste.”

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Habakuk 2:20

O baro Devel hi an peskro kheer, kay yob djivell. Ma rakrenn či glan leste, t'mer menshe ap i tseli phoub!

Zakarie 9:17

Ava, har raylo oun shoukar vell kova! I čave venn zorele terne morsha oun djouvya, yaake boud djob oun mool hi koy.

5. Mose 33:2

O baro Devel vas oun rakras mentsa pash i berga Sinay. Yob vas yaake har o kham pre djal pral i berge Seir. Mer dikam leskro raylepen har hams pash i berga Paran. Khetne leha van boud zerya bolepangre. Ap leskri čači rig his i yag.

Debleskro tsiro 1:16

Oun an leskro čačo vast his les efta bolepangre momlia. Oun dran leskro mouy vas i rharo, hoy ap douy rigya nay činella. Oun leskro mouy his har o kham.

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.