Debleskri gili 50:14 - O Debleskro Lab 2024 (Sinte-Manouche)

¹⁴ Kova, hoy toutar kamau, hi, te parkress tout pash mande, tiro Debleste, oun te rikress tiri sovel, hoy dal tou mande, o pralstuneste.

O Debleskro Drom 2021 (Sinte)

¹⁴ Kowa, hoi tutar kamau, hi, te parkress tut pash mande, tiro Debleste, un te rikress tiri sowel, hoi dal tu mande, o pralstuneste.

Debleskri gili 50:14 ပူးပေါင်းရင်းမြစ်များ

Hiob 22:27

Tou mangeh les an, oun yob shounell ap toute. Oun tou aneh leste kova, hoy tou leske sovel dal.

Debleskri gili 147:1

Halleluya! Sharenn o baro Debles! Lačo hi, te givas gilya maro Debleske! Shoukar oun mishto hi, te bashras leske.

Debleskri gili 22:25

Yob dikas gar krik o čorvelestar oun leskre douka, oun khatras gar peskro mouy lestar, Na-a, har yob ap leste gole das, shounas lo les.

Debleskri gili 22:26

Tout kamau me te sharell, kote, kay boud khetne venna. Glan kolende, kay tout an-mangenna, kamau me touke te dell, hoy sovel dom.

Debleskri gili 27:6

Oun kanna hadell pes miro shero pre pral kolende, kay troul mande hi oun mange čilačepen kamenn, O baro Debleske kamau me firhen te rhačrell, oun dau gole i barhtyatar oun parkrau man pash leste an leskro kheer; i gipah oun bashepah sharau les.

Debleskri gili 50:23

Kova, kay pes pash mande parkrella, hi kova, kay sharell man. Kova hi o drom, kay sikrau leste, har lačo leske hom.”

Debleskri gili 56:12

Ap leste dikau oun rikrau man, oun darau gar. Hoy nashte krenn man i menshe?

Debleskri gili 61:8

Yob te ačell o baro ray glan toute, miro Devel, hako tsiro! De tou an tiro lačepen oun čačepen yak ap leste!

Debleskri gili 65:1

I gili o rayeske pral i gipangre. Kay gili kras o David.

Debleskri gili 69:32

Kova hi touke feteder har te anap touke i groumni, ava, i zorelo gouroum, te vell lo touke rhačedo.

Debleskri gili 76:11

Te hadenn pen rhoyede menshe pral toute, maro Debleste, vell diklo, har baro tou hal. Oun kova, hoy pral ačell lengri rholyatar, hi touke har i shoukar ripen, hoy riveh.

Debleskri gili 76:12

Denn t'men sovel, te denn čomone o baro Debleste, kay t'maro Devel hi. Oun rikrenn t'mari sovel! Anenn leske kouč koova, t'mer dran i tsele themma, kay troul leste hi. Yob hi kova, kolestar hakeno darella.

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

Nahum 2:1

T'mer menshe an Youda, dikenn: Pral i berge vell i morsh, kay anell i lačo lab. Yob penell: O kourepaskro tsiro hi trouyel! Rikrenn pale t'mare bare divessa oun avenn barhtelo koy dren! Denn o Debleske kova, koleske t'men sovel dan. Ko čilačo, kay halauter paash das, vell bouder gar an t'maro them. Yob hi bouder gar koy.

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

5. Mose 23:21

Yekestar, kay hi dran i vavar them, nay leh tou boudeder, har tou leske patsal, tiro phralestar less tou gar boudeder. Palle nay dell tout tiro baro Devel barht an halauter, hoy tou an-tapreh an ko them, an koleste t'mer venn, te lenn les t'menge dren.

5. Mose 23:22

Te dal tou tout sovel glan tiro baro Debleste, palle ma mouk touke kek tsiro, te playsress kova ninna. Tiro baro Devel dikell koy pre, te deh tou kova leste. Te deh les gar, aneh tou doosh ap toute.

5. Mose 23:23

Te deh tou tout gar sovel, palle hi ninna kek doosh ap toute.

5. Mose 23:24

Te kamal tou tout sovel te dell glan tiro baro Debleste, hounte rikress tou ninna, hoy penal, oun kress les yaake har tou vin rakral.

1. Tessalonikarja 5:18

Parkrenn t'men pash leste pral halauter! Kova kamell o Devel lauterendar, kay djan ap o Yezouseskro drom.

Hebrearja 13:15

Dran kova parkras men pash o Debleste, sharas les hako tsiro, oun kras o Yezouseskro lab bares.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.