Debleskri gili 50:1 - O Debleskro Lab 2024 (Sinte-Manouche)

¹ I gili o Asafestar. O Devel rakrell, o baro oun zorelo Devel dell i menshen ap i tseli phoub gole, kotar, kay o kham pre djas bis kote, kay lo tele djal.

O Debleskro Drom 2021 (Sinte)

¹ I gili o Asafestar. O Dewel rakrell, o baro un sorelo Dewel dell i menshen ap i tseli phub gole, kotar, kai o kham pre djas bis kote, kai lo tele djal.

Debleskri gili 50:1 ပူးပေါင်းရင်းမြစ်များ

1. Mose 17:1

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

1. Rajengro liil 18:21

Har yon lauter khetne his, djas o Eliya glan i tsele Israelitaryen oun penas: “Har dour kamenn t'mer gomme ap douy rigya te djan? Hi o baro Devel o čačo Devel, palle nashenn leske pal, te hi o Baal, palle nashenn leske pal!” I menshe penan leske kek lab pale pale.

1. Familjakro liil 15:17

Koy rodan i Levitarya o gipaskres o Heman vin, koleskro dad o Yoel hi, oun leskro phrales, o Asaf, koleskro dad o Berekia hi. Ninna rodan le o Etan vin, koleskro dad o Koushaya hi, dran i familya Merari.

1. Familjakro liil 16:37

Oun yaake har o David lenge penas, ačan o Asaf oun leskre phrala glan o morhton o baro Debleskre deesh labentsa, te krenn le kote koy boudi, hoy hako dives hounte kerdo vell.

1. Familjakro liil 25:2

I čave o morshestar Asaf: o Zakour, o Yosef, o Netanya, o Asarela. Lengro dad his lengro pralstouno. Koleske penas o David, te krell lo Debleskre gilya.

1. Familjakro liil 25:6

Kalla lauter givan an o baro Debleskro kheer oun bashran ap sasterne patria oun doryengre bashepangre, yaake har o baro ray penas. Lengre dada, o Asaf, o Yedoutoun oun o Heman his i gipangre raya.

1. Familjakro liil 6:24

Oun leskro phraal, kay ap leskri čači rig tardo his, his o Asaf. Koleskro dad his o Berekia, koleskro dad his o Shimea,

2. Familjakro liil 29:30

Oun o Hiskiya oun i pralstoune penan ap i Levitarya, te sharenn le o baro Debles kol gilyentsa, hoy kras o David oun o dikepaskro, o Asaf. Oun yon givan barhteles, oun vitsran pen ap i phoub oun mangan o baro Debles an.

Nehemia 9:32

Maro Devel, har baro hal tou, yaake zorelo, te daras mer toutar. Tou pandal tiro dji ap mende, oun rikreh tiro lab, hoy dal tout sovel. Kanna mangah tout, ma biste koy tseli bibarht, hoy pral mende vas, pral mare bare rayende oun mare pralstunende, pral i rashayende oun o Debleskre rakepangre, pral mare phourende oun men lauterende, an ko tselo tsiro, har van i bare raya dran o them Assour pral mende bis ap kava dives.

Nehemia 9:6

Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.

Debleskri gili 113:3

Mou vell lo sharedo kotar, kay o kham pre djala bis kote, kay o kham tele djala!

Debleskri gili 73:1

I gili, hoy o Asaf kras. O Devel hi lačo ap o Israel, ap lauterende, kolen i djoudjo dji hi.

Debleskri gili 74:1

Givede laba o Asafestar. Maro Devel, hoske čival tou men pale hako tsireske? Hoske hal tou yaake rhoyedo pral mende? Tou hal maro bakrengro, oun mer ham tire bakre!

Debleskri gili 75:1

I gili o rayeske pral i gipangre, te givell har koy gili Ma mare men. Kay gili kras o Asaf.

Debleskri gili 76:1

I gili o rayeske pral i gipangre, te givell pash o bashepen ap i doryengre bashepangre. O Asaf kras kay gili.

Debleskri gili 77:1

I gili o rayeske pral i gipangre, o Yedoutoun. Kay gili kras o Asaf.

Debleskri gili 78:1

Givede laba o Asafestar. Mire menshale, shounenn, hoy t'menge penau! Shounenn mishto ap mire laba!

Debleskri gili 79:1

I gili, hoy o Asaf kras. Maro Devel, menshe dran vavar themma peran an tiro them dren; tiro kheer, hoy touke kokres his, kran le pale-čiddo. Oun o foro Yerusalem dan le paash.

Debleskri gili 80:1

I gili o rayeske pral i gipangre, te givell pash o bashepen ap i shob-doryengri bashepaskri. Kay gili kras o Asaf.

Debleskri gili 81:1

I gili o rayeske pral i gipangre, te givell ap i bashepaskri, hoy kharella gittit. O Asaf kras kay gili.

Debleskri gili 82:1

I gili o Asafestar. O Devel hi tardo mashkral o bolepaskro tsillo, oun rakrell o čačepen vin pral i debla.

Debleskri gili 83:1

I gili o Asafestar.

Jesaja 1:2

Tou, o bolepen, oun tou, i phoub, shounenn, hoy me, o baro Devel, penau: Me tserdom čaven bares. Oun har yon baro van, phagan le mantsa.

Jesaja 37:20

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Jeremia 10:6

Baro Devel, kek hi har tou hal! Tou hal baro oun zorelo! Oun tiri bari zoor dikan i menshe.

Amos 3:8

O levo dell gole – kones hi kek daar? O baro Devel, maro ray, rakrell, koon nay rikrell man pale, te penap leskre laba doureder?

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Mateo 25:32

Oun glan leste venn i tsele menshe dran hake themma khetne. Oun yob čivell len ap douy rigya, yaake har i bakrengro ray čivell i bakre ap yek rig oun i bouzya ap i vavar rig.

Josua 22:22

“O baro Devel hi bareder har i tsele vavar debla! O baro Devel hi bareder har i tsele vavar debla. Yob djinell oun t'mer hounte djinenn kova ninna: Mer moukam les gar oun hadam men gar pral leste. Te hi kava gar o čačepen, nay denn men moulo.