Debleskri gili 49:6 - O Debleskro Lab 2024 (Sinte-Manouche)

⁶ Hoske te darap an i čilače divessa, kay kolla troul mande hi, kay mange čilačepen kamenna?

O Debleskro Drom 2021 (Sinte)

⁶ Hoske te darap an i tchilatche diwessa, kai kolla trul mande hi, kai mange tchilatchepen kamenna?

Debleskri gili 49:6 ပူးပေါင်းရင်းမြစ်များ

Ester 5:11

Glan lende phourdas pes o Haman pre oun penas lenge, har baro leskro bravlepen hi, oun kitse morsh čave les hi, oun har hadas les o baro ray oun čivas les pral i tsele pralstunende oun pral i tsele rayeskre boudepangre.

Debleskri gili 112:7

Les vell kek daar, te shounell lo, kay čilačo koova vella. Yob dikell peskro tselo djiyeha ap o baro Debleste.

Debleskri gili 112:8

Zoreles ačell leskro dji, oun darell gar, bis te yob tele dikell ap kolende, kay leske čilačepen kaman.

Debleskri gili 52:7

Doleske phagell tout ninna o Devel hako tsireske. Yob stakrell tout khetne, vitsrell tout vin dran tiro kheer, lell tout krik kay phoubyatar, kay djivah.

Debleskri gili 56:5

Me kamau o Debleskro lab te sharell, man ap leste te rikrell, oun man gar te darell. Hoy nashte krenn man i menshe?

Debleskri gili 56:7

An pengro khatepen hi le čiddo, lenn le man an o yak, oun djinenn hako djapen mandar. Yon rodenn, har nay denn le man moulo.

Debleskri gili 62:10

I menshe hi či har i dourho. Tikne har bare hi či moldo. Te vans le ap i vaga čiddo, vans le lauter khetne lino gar phareder har i dourho.

Gosewe laba 10:15

O bravlepen i bravelestar hi leske har i zorelo kheer. I bibarht o čorvelestar hi leskro čorvlepen.

Gosewe laba 11:28

Kova, kay čivell peskro dji ap peskro bravlepen, merell tele har patria. Kolenge, kay krenn o čačepen, djal mishto har i zenelo rouk.

Gosewe laba 23:5

Te dikeh tire yakentsa pre, hi o bravlepen gar bouder koy, yaake sik hi lo krik har i čirklo, hoy hadell peskre moussya oun hadell pes an o bolepen.

Jeremia 9:23

Koon kamell pes te sharell, kova te sharell pes, kay yob prindjrell man, oun te hayvell yob, kay me o baro Devel hom. Me krau miro dji pre i menshenge, oun krau, hoy čačo oun mishto hi ap i phoub. Savo koova hi mishto glan mire yaka. Kova penau me, o baro Devel.

Hosea 12:8

O Efrayim hi har i parepaskro. An leskro vast hi i vaga, hoy o rhorheno pharepen sikrell. Yob hi barhtelo, te nay dell lo i vavaren pral o kand.

Markus 10:24

Pral kal laba ačas o Yezouseskre malenge o rakepen krik. Koy penas o Yezous pale ap lende: “Mire čave, har pharo hi i menshenge, te venn le ap o Debleskro drom!

Louka 12:19

Oun me nay penau ap mande: Kova krom mishto. Kanna hi man boud bersha lačo koova o djipaske oun boudrap bouder gar. Me rhau oun piyau oun krau miro djipen mange mishto.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.