Debleskri gili 49:17 - O Debleskro Lab 2024 (Sinte-Manouche)

¹⁷ Ma rhoye tout, te vell yek bravelo, oun leskro kheer bareder oun shoukeder vella!

O Debleskro Drom 2021 (Sinte)

¹⁷ Ma choje tut, te well jek brawelo, un leskro kheer bareder un shukeder wella!

Debleskri gili 49:17 ပူးပေါင်းရင်းမြစ်များ

Hiob 1:21

Oun yob penas: “Har boldo vom, his kek koola ap mande. Oun ap ko dives, kay merau, lau kek koola mantsa. O baro Devel das man lauter, hoy man hi. Oun o baro Devel las les pale mandar. Yob vell sharedo!”

Hiob 27:19

Braveles čivell lo pes tele, – i letsto kopo! Te krell lo peskre yaka pale pre, hi bouder či koy.

Debleskri gili 17:14

Baro Devel, tiro vasteha le man vin dran o vast kol menshendar, kay djivenn i phoubyake. Lengro bravlepen lenn yon an kava djipen! Tou kreh lengro per pherdo ko koova, hoy tou lenge deh. Ninna lengre čave venn čalo, oun moukenn pral pengre čavenge.

Sikepaskro 5:15

Yob hounte djal, har lo vas. Kova hi i bari bibarht leske. Leskri phari boudyatar ačell leske či. Kova hi, har te marals lo pes tele čičeske.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 5:14

O moulengro them bokell pal lende oun kras peskro mouy dour pre, oun peskri meen yaake dour har djal, oun rhal i bravelen oun kol vavaren, kay i barhtyatar gole dan oun khelan.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Louka 16:24

Koy das ko bravelo gole: Tata Abraham, kre tiro dji mange pre, oun biče o Lazares pash mande! Yob hounte čivell peskro goushto an o pani, oun čivell kova ap miri čip, te doukrell man kay yag gar!

1. Korintarja 15:43

Kova, hoy an i phoub čiddo vella, hi djoungelo. Kova, kay i moulendar pre stella, hi shoukar. Kova, hoy an i phoub čiddo vella, koles hi kek zoor. Te stell lo i moulendar pre, djal kova i bari zoryah.

1. Timoteo 6:7

Mer anam či ap kay phoub, oun nay lah či peha, te merah.