Debleskri gili 49:11 - O Debleskro Lab 2024 (Sinte-Manouche)

¹¹ Na-a, mer dikah: O gosevo hounte merell, yaake har o narvelo oun o dinelo ninna. Oun lauter, hoy len his, hounte moukenn le pale i vavarenge.

O Debleskro Drom 2021 (Sinte)

¹¹ Na-a, mer dikah: O gosewo hunte merell, jaake har o narwelo un o dinelo ninna. Un lauter, hoi len his, hunte mukenn le pale i wawarenge.

Debleskri gili 49:11 ပူးပေါင်းရင်းမြစ်များ

1. Mose 4:17

Oun o Kayn vas khetne peskri romyah. Kaya vas an vavar koova oun anas o Henok ap i phoub. Oun o Kayn kras i foro, oun das ko fores ko lab peskro čavestar Henok.

2. Samuel 18:18

Har o Absalom djivas, penas lo: “Man hi kek čavo, kay rikrell miro lab djido, te merell miro lab gar vin.” Doleske čivas lo peske i baro bar pre oun das ko bar peskro lab. Oun yaake kharell ko bar bis kay dives O Absalomeskro bar. Kova hi ap o baro rayeskro them tardo.

Debleskri gili 10:6

Yob penell peske an peskro dji: Či nay vitsrell man trouyel. Kek bibarht vell ap mande.

Debleskri gili 39:7

O mensho vell oun djal pale har i souni. O mensho boudrella boud čičeske oun krell boud gole troul či. Yob anell peske boud bravlepen khetne, oun djinell gar, koon kova lella.

Debleskri gili 5:9

Baro Devel, sike man o drom, hoy čačo hi glan toute! Kre mange o drom, hoy te djap! Mouk kolen te dikell, kay mange čilačepen kamenna, kay hal tou ap miri rig!

Debleskri gili 64:6

Yek krell o vavares zoreles an lengro čilačo koova. Oun yon rakrenn pen tele, har nay čivenn le dorya vin, te perenn i vavar dren, oun penenn pashel: “Koon dikell kova?”

Sikepaskro 2:14

Kova, kay gosevo hi, dikell, kay lo djal. O dinelo nashell an i rati. Oun ninna hayvom, yekeske djal har o vavareske.

Sikepaskro 2:21

Kova, hoy i mensho gosvepah oun lače vastentsa kras, hounte moukell lo halauter i vavareske, kay kras či koleske. Kova hi ninna čičeske oun i bari bibarht.

Ezekiel 38:10

Kava penell o baro Devel, maro ray: An ko tsiro vell čomone pre an tiro dji, oun tou leh touke čilačo koova glan.

Louka 11:39

Koy penas o Yezous ap leste: “T'mer Farisarya, t'mer thovenn t'mare khore oun čare vriyal. Oun t'maro dji hi pherdo čorepen oun čilačepen.

Bičepangre 8:22

Kanna, mouk tiro čilačo drom, oun pen o Debleske, te khaytell tout ko čilačo koova, hoy tou kral. Oun mange lestar, te lell lo koy doosh toutar!

5. Mose 3:14

O Yayr dran i familya Manasse las ko tselo kotar them Argob bis pash o them, kay i Geshourarya oun i Maakatarya djivenn. O Yayr kharas kol gaba an o them Bashan pal peskro lab o Yayreskre gaba. Oun yaake kharenn le gomme kava dives.]

1. Samuel 15:12

Oun o Samuel stas sik taysarlakro pre, te djas lo pash o Saul. Oun leske vas penlo, te vas o Saul an o foro Karmel, oun moukas peske kote barra pre te čivell, hoy sikrenn, te vas yob o zorleder pral i Amalekarya. Oun o Samueleske vas ninna penlo, te djas o Saul doureder oun vas tele an o foro Gilgal.