Debleskri gili 46:4 - O Debleskro Lab 2024 (Sinte-Manouche)

⁴ ninna te vals o baro pani divyo oun rhoyedo, oun djals savi zoryah pre, te perenn i berge khetne.

O Debleskro Drom 2021 (Sinte)

⁴ ninna te wals o baro pani diwjo un chojedo, un djals sawi sorjah pre, te perenn i berge khetne.

Debleskri gili 46:4 ပူးပေါင်းရင်းမြစ်များ

2. Familjakro liil 6:6

Kanna rodom mange Yerusalem vin, te vap kote an-mangedo. Oun me rodom mange o Davides vin, te vell yob o ray pral mire menshende Israel.

Debleskri gili 23:2

Yob moukell man tele te čivell ap i phoub pherdo zenlepen, oun anell man pash lačo pani.

Debleskri gili 43:3

Biče tiri momeli, te dikap tiro čačepen, hoy anell man ap o drom pash tiri Debleskri berga, kay tou djiveh.

Debleskri gili 48:1

I gili yekestar dran i familya Korah.

Debleskri gili 48:8

Lengre kokale djan, har i bare shiffe phagenn, te djal i zorelo dourho pral o baro pani.

Debleskri gili 65:9

Oun i menshenge ap i tseli phoub ačell o rakepen krik glan ko baro koova, hoy tou kral. Kotar, kay o kham pre djal bis kote, kay lo tele djal, moukeh tou halauteren te sal oun barhteles te vell.

Debleskri gili 87:3

Shoun, tou o Debleskro foro, havo shoukar rakepen o Devel pral toute rakrell:

Debleskri gili 91:1

Kova, kay beshell tel o vast o Deblestar, ko pralstunestar, oun ačell pash leste, ko zorelo Debleste,

Debleskri gili 92:1

I gili, te givell ap o Debleskro dives.

Debleskri gili 92:8

I čilače venn baro har o zenlepen. Kolenge, kay čilačo koova krenna, djal mishto. Kova lauter vell, te venn le krik lino hako tsireske.

Debleskri gili 93:3

Baro Devel, i bare panya hadenn pen. O pani vell divyo oun dell zoreli gole. Divyo oun zorelo djal lo pre.

Sikepaskro 5:8

Hi feteder o themeske, te hi les i baro ray, kay dikell koy pre, te vell ap o harhetikro them boudedo, te vell i menshen doha djipaske.

Jesaja 48:18

Kamaus, te shounals tou ap mire laba. Palle vals yaake boud lačepen an tiro djipen, har pani an i lengsto pani hi. Oun pale te pale vals barht ap toute, yaake har o baro pani pale te pale ap o them nashell.

Jesaja 60:14

Oun i čave kolendar, kay rikran tout tele, venn pash toute, oun čivenn pen glan toute tele. Oun kolla, kay praasan tout, vitsrenn pen glan tire herya an i čik. Oun yon kharenn tout foro o baro Deblestar, oun Sion, o foro o Israeleskro Deblestar.

Micha 6:6

T'mer poučenn: Har te vap glan o baro Debleste? Hoy te anap ko pralstouno Debleske? Har nay mangau les an? Anap leske groumya, hoy yek bersh phouro hi, te venn le leske maredo oun tseles rhačedo?

Hebrearja 12:22

Kova lauter dikan t'mer gar. Na-a. T'maro tsillo, kay venn khetne o Debleha, hi ap i berga Sion an o bolepen. Kote hi o foro o djido Deblestar tardo, o nevo foro Yerusalem. Kote hi boud boud zerya bolepangre, kay sharenn o Debles.

Debleskro tsiro 21:10

Oun o Debleskro Dourho vas ap mande. Oun o bolepaskro anas man ap i bari, bari berga, oun sikras mande o Debleskro foro Yerusalem, har ko foro tele vas o Deblestar dran o bolepen.