Debleskri gili 45:8 - O Debleskro Lab 2024 (Sinte-Manouche)

⁸ Tou kameh o čačepen, oun nay dikeh gar kolen glan tire yaka, kay o čilačepen krenna. Doleske rodas tout o Devel, tiro Devel, vin oun čoras boud barht pral toute vin, boudeder har pral hako vavar rayeste.

O Debleskro Drom 2021 (Sinte)

⁸ Tu kameh o tchatchepen, un nai dikeh gar kolen glan tire jaka, kai o tchilatchepen krenna. Doleske rodas tut o Dewel, tiro Dewel, win un tchoras bud bacht pral tute win, budeder har pral hako wawar rajeste.

Debleskri gili 45:8 ပူးပေါင်းရင်းမြစ်များ

1. Rajengro liil 22:39

Oun ko tselo vavar koova, hoy pral o Ahab penepaske hi, oun halauter, hoy yob kras, kova hi činlo an i familyakro liil o bare rayendar pral Israel. Kote dren hi ninna tardo, har yob peske i kheer kras dran kouč parno dand, oun have forya yob moukas zorleder te krell.

Debleskri gili 11:7

O baro Devel hi an o čačepen tardo, oun kamell hakenes, kay o čačepen krella. Koon ap leste shounella peskro tselo djiyeha, kova dikell les peskre yakentsa.

Debleskri gili 150:4

Sharenn les o bashepah ap i pauke, oun khelenn leske! Sharenn les o bashepah ap i doryengre bashepangre oun tikne phourdepangre!

Debleskri gili 16:11

Tou sikreh o drom, kay an o djipen anell. Pash toute hom barhtelo. Te hom kote, kay tou hal, bashrell miro dji hako tsiro.

Debleskri gili 45:15

Pral i kouč stakepangre anenn le lat pash o baro rayeste. Oun pal late djan kol terne ča, lakre mala, kolen anenn le pash toute.

Kamlepaskri gili 1:13

Miro pirno hi mange har i tikno gono pherdo soungepaskro kasht, čiddo ap miro beč.

Kamlepaskri gili 1:3

Tiro soungepaskro djet soungell yaake lačo. Hakeno prindjrell tout. I tsele ča kamenn tout.

Kamlepaskri gili 3:6

Koon hi kolla, kay venn pre dran o moulo tato them, har i yagakro dourho, hoy pre djal, te vell soungepaskro koova rhačedo? Lačo khand vell pash mende, dran ko soungepaskro koova, hoy i parepangre anenn.

Kamlepaskri gili 4:6

O dives te djal peske oun i rati vell, kamau pash tire berge te djal, hoy yaake lačo soungenna.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Kamlepaskri gili 5:13

Leskre čamya soungenna mishto har i phoub, kay soungepaskre bourra tardo hi. Leskre vushte hi har lilya, sapeno lačo djeteha.

Kamlepaskri gili 5:5

Me stom pre, te krap miro pirneske o voudar pre, oun mire vasta his pherdo soungepaskro djet. O djet nashas mire goushte tele, har len ap i pandepaskri čivom.

Amos 3:15

Me dau lengre niyalengre khera khetne, oun ninna lengre vendengre khera. Oun khetne perenn kol khera, hoy shoukar kerdo hi i dandentsa foun i elefante; hako baro kheer vell paash dino, penell o baro Devel.

Mateo 2:11

Oun yon djan an ko kheer, oun dikan kote o ternepas oun leskri dat, i Mariat. Oun yon vitsran pen glan leste tele, mangan les an, oun čivan ko kouč bravlepen glan leste, hoy dan le leste. Oun kova his sonakay, kouč kasht, hoy soungella mishto, ninna vavar kouč kasht, hoy vella djet lestar kerdo.

Johanni 14:2

An miro dadeskro kheer hi boud iseme. Te vals kova gar yaake, penoms me kova gar. Me djau koy oun dikau, te venn kol iseme t'menge kerdo.

Johanni 19:39

Ninna o Nikodemus, kova, kay vas yek kopo rati pash o Yezouseste, vas kote oun anas yaake triyanda kilo kouč djet, kerdo dran myrrhe oun dran Aloe.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.