Debleskri gili 45:6 - O Debleskro Lab 2024 (Sinte-Manouche)

⁶ De tire fayle karye, te djan le an o dji kolendar, kay kourenn pen touha. Yaake perenna i vavar themma glan toute.

O Debleskro Drom 2021 (Sinte)

⁶ De tire faile karje, te djan le an o dji kolendar, kai kurenn pen tuha. Jaake perenna i wawar themma glan tute.

Debleskri gili 45:6 ပူးပေါင်းရင်းမြစ်များ

2. Samuel 23:4

kova hi har o kham, kay djal pre taysarlakro, ap i dives, kay kek volke hi. Kova hi har ko zenlepen, hoy vell pal o brishino dran i phoub vin.”

Debleskri gili 145:13

Tou hal oun ačeh o baro ray kanna oun hako tsireske. O baro Devel rikrell peskre tsele laba, oun hi lačo an halauter, hoy krell lo.

Debleskri gili 89:29

Hako tsiro ačell miro lačepen ap leste, oun miro lab, hoy leske sovel dom, rikrau me.

Debleskri gili 93:2

Baro Devel, yaake rah har o bolepen oun i phoub koy hi, hal tou o baro ray. Glan hako tsiro hals tou koy.

Debleskri gili 98:9

glan o baro Debleste! Yob vella oun rakrell o čačepen vin pral i tseli phoub. Yob hi o čačepaskro ray pral i tsele themma, oun dell hakeneste pal kova, hoy lo kras.

Daniel 2:44

Oun an ko tsiro, kay kol bare raya djivenna, krell o bolepaskro Devel yek them, hoy an kek tsiro paash kerdo nay vell. Kava them vell an kek tsiro vavar menshendar dren lino. Leskro baro ray krell kol vavar rayengre themma paash, oun leskri zoor ačell hako tsireske.

4. Mose 24:8

O baro Devel anas len vin dran o them Egiptia, oun kourell pes lenge har i divyo gouroum. Yon rhan kol menshen, kay len palla lenna, oun denn lengre kokale paash, oun denn len moulo karye.

Johanni 1:1

Har o bolepen oun i phoub gar koy his, his o Lab koy. Kova, kay hi o Lab, his pash o Debleste. Oun yob his o Devel.

5. Mose 32:42

Kol fayle, kolentsa karye dau, lendar perell o rat tele – ko rat kolendar, kay me moulo dau, ninna kol pandlendar. Miro rharo rhal o mass kolendar, kay kouran pen mantsa, oun dell lengre sherya paash.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.