Debleskri gili 45:17 - O Debleskro Lab 2024 (Sinte-Manouche)

¹⁷ Miro ray, mou vell ko tsiro, kay beshenn tire morsh čave ap o rayeskri beshepaskri, kay tire phoure dada beshdo his; oun tou kreh len rayen pral i tseli phoub.

O Debleskro Drom 2021 (Sinte)

¹⁷ Miro rai, mu well ko tsiro, kai beshenn tire mursh tchawe ap o rajeskri beshepaskri, kai tire phure dada beshdo his; un tu kreh len rajen pral i tseli phub.

Debleskri gili 45:17 ပူးပေါင်းရင်းမြစ်များ

Debleskri gili 138:4

Baro Devel, i tsele raya ap kay phoub sharenn tout, te shounenn le tire laba, hoy dran tiro mouy djana.

Kamlepaskri gili 6:9

Yek kokres hi miri tauba, miri goudli. Lakri dat hi kek vavar čay. Lake hi li i lačeder čay. I vavar ča dikan lat oun penan: Har barhteli hi li! O baro rayeskre romya oun vavar djouvya dikan lat oun sharan lakro shoukapen.

Jesaja 59:21

Kava krau me lentsa vin, penell o baro Devel: Me čivom miro dourho ap t'mende. Oun mire laba, hoy penom t'menge, ačenn pash t'mende. Oun t'mer penenn len doureder ap t'mare čavende, oun yon ap pengre čavende, oun kolla ap pengre čavende. Kova ačella yaake kanna oun hako tsireske. Kova penau me, o baro Devel,

Jesaja 61:9

Lengre čave, kay pal lende venna, hi prindjedo oun an-diklo pash i menshende an hake themma. Oun koon len dikell, hayvell: Kolla hi i menshe, ap kolende o baro Devel peskri barht čivas.

Jesaja 62:3

Oun tou veh har i kouč rayeskri stadi an o baro Debleskro vast, ava, i rayeskro shereskro an tiro Debleskro vast.

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Mateo 26:13

Čačepah, me penau t'menge: Ap i tseli phoub, kay mire laba i menshenge penlo venna, koy vell ninna penlo, hoy koya djouvel mange kras. Yoy vell gar bistedo.”

1. Korintarja 11:26

Hako kopo, kay rhan t'mer ko maro, oun kay piyenn t'mer dran ko khoro, penenn t'mer doureder, kay maro ray Yezous meras. Kova krenn t'mer yaake rah, bis te yob pale vella.