Debleskri gili 44:4 - O Debleskro Lab 2024 (Sinte-Manouche)

⁴ Yon lan o them gar dren pengre rharentsa, vitar gar pengri zoryah. Na-a! Kova kras tiri čači moussi oun tiri zoor. Tou hals pash lende oun dikal kamles ap lende.

O Debleskro Drom 2021 (Sinte)

⁴ Jon lan o them gar dren pengre charentsa, witar gar pengri sorjah. Na-a! Kowa kras tiri tchatchi mussi un tiri soor. Tu hals pash lende un dikal kamles ap lende.

Debleskri gili 44:4 ပူးပေါင်းရင်းမြစ်များ

Debleskri gili 111:6

Yob sikras peskre menshende, har zorelo yob hi, oun das len i themma vavar menshendar, te venn le lengre.

Debleskri gili 149:2

Tou Israel, tiro dji mou bashrell pral koleste, kay kras tout. T'mer menshe dran Sion, givenn i barhtyatar pral t'maro baro rayeste.

Debleskri gili 42:8

Tire panya perenn bari zoryah oun golyah tele. Yek baro pani pal o vavar djal pral mande vergel.

Debleskri gili 74:12

Miro Devel, foun tiknes pre hal miro baro ray. Toutar vell, te venn i menshe vin lino dran i bibarht.

Debleskri gili 89:18

Tou kokres hal lengro raylepen oun lengri zoor, oun dran tiro lačepen nay hadah mare sherya.

2. Mose 15:6

Tou, mo baro Devel, har zorelo hi tiro čačo vast! Tou, baro Devel, tiro čačo vasteha dal tou kolen an kotya, kay kouran pen touha.

Markus 1:31

Oun yob vas pash late, tapras lat pash o vast oun kras, te stell li pale pre. Oun o nasslepen djas latar. Oun yoy anas lenge i rhapen.

Markus 1:41

Oun o Yezouses khaytas kova, oun yob čivas peskro vast ap leste, oun penas ap leste: “Me kamau, te vess sasto.”

Markus 9:25

Oun o Yezous dikas, kay nashan boud menshe pash leste khetne. Koy das lo ko benges trad, oun penas ap leste: “Tou beng, kay rakreh oun shouneh nashte gar, me penau touke: Dja vin lestar, oun dja bouder gar an leste dren!”

5. Mose 7:19

T'mer dikan, har lo peskri bari zoor sikras, oun kras sau koova, hoy kek vavar nay krell, oun anas boud bibarht ap i Egiptaryen. Peskro zorelo vasteha oun peskri pre-hadedi moussyah anas lo t'men vin. Yaake krell t'maro baro Devel i menshentsa an i tsele themma, kolendar t'mer darenn.

5. Mose 7:8

Dran peskro kamlepen t'menge rodas o baro Devel t'men vin, te rikrell lo peskri sovel dren, hoy yob t'mare phourende das. Doleske anas lo t'men peskro zorelo vasteha vin dran o them, kay pandlo hans, dran o vast o Faraestar, ko rayestar pral Egiptia.

Josua 24:12

Me krom, te lan le bari traash t'mendar. Yaake tradom len glan t'mende vin, har tradom glan kova ninna kol douy rayen pral i Amoraryen glan t'mende vin. T'mare rhare oun boge kran kova gar.