Debleskri gili 44:10 - O Debleskro Lab 2024 (Sinte-Manouche)

¹⁰ Kanna čival men pale oun vitsral men an i ladj. Tou djah gar mare lourdentsa an o kourepen.

O Debleskro Drom 2021 (Sinte)

¹⁰ Kanna tchiwal men pale un witsral men an i ladj. Tu djah gar mare lurdentsa an o kurepen.

Debleskri gili 44:10 ပူးပေါင်းရင်းမြစ်များ

Debleskri gili 60:12

Koon nay krell kova, har tou kokres, maro Devel? Tou moukal men oun djah gar vin mare lourdentsa an o kourepen.

Debleskri gili 89:39

Kanna, baro Devel, čival tou les pale, koles tou vin rodal, te vas lo baro ray, Tou moukal les te perell, oun hal rhoyedo ap leste.

Debleskri gili 89:41

Leskro foro kral tou paash, oun kol bare zorele khera dal an kotya paash.

Debleskri gili 89:43

Kolla, kay ap leste djan, moukal, te hadenn le pen. Oun kral kolen barhtelo, kay leske čilačepen kamenn.

Jesaja 10:14

Yaake har yek peskro vast ap i čirklengro kheer čivell oun i yare vin lell, yaake tapras miro vast o bravlepen an kol themma oun las les peha. Oun yaake har lell yek i čirklengre yare peha, hoy mouklo van, yaake lom me i tsele themma mange. Kote his kek, kay peskre moussyentsa pal mande dals, oun kek, kay peskro mouy pre krals, te vell i gole vin.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Jeremia 15:13

[O baro Devel penas:] Youda, me kamau te vell tiro tselo bravlepen touke čoredo, yaake playsreh tou ko čilačepaske, hoy kral an tiro tselo them.

Jeremia 20:8

Hako kopo, te rakrau, hoy tou mange penal, hounte dap gole: Marepen oun doukepen! Doleske san le pral mande hako dives oun taprenn pen ap o shero.

3. Mose 26:14

Te shounenn t'mer gar ap mande, oun rikrenn kol laba gar dren, hoy me t'menge penom,

3. Mose 26:17

Me dikau bouder gar lačes ap t'mende, oun t'mer venn dino kolendar, kay kourenn pen t'mentsa. Kolla, kay kamenn t'maro merepen, venn ray pral t'mende. T'mer han ap o naashepen, ninna te lell t'men kek palla.

4. Mose 14:42

O baro Devel hi gar pash t'mende. Djan gar koy pre, te venn t'mer gar maredo kolendar, kay kamenn t'maro merepen!

4. Mose 14:43

Kol Amalekarya oun kol Kanaanitarya hi koy vergel tardo glan t'mende, oun t'mer venn moulo dino o rhareha. T'mer djan o baro Deblestar krik. Doleske hi lo gar t'mentsa.”

5. Mose 28:25

O baro Devel krell, te venn kolla zorleder har t'mer, kay kourenn pen t'mentsa. Ap yek drom djan t'mer ap lende pre, oun ap hake rigya hounte nashenn t'menge lendar. Oun i menshenge an hake themma ap i phoub ačell o rakepen krik i trashatar, te dikenn le, har t'menge djala.

5. Mose 31:17

Palle rhačell miri rholi pre pral lende, oun me moukau len, oun vau lenge bouder gar ap i rig. Boud djoungelo pharo koova pherdo douka oun daar vell pral lende. Oun yon penenn palle ap ko dives: Kova lauter vell pral mende doleske, kay maro Devel bouder gar pash mende hi.

Josua 7:12

Doleske nay venn i Israelitarya bouder gar zorele pral kolende, kay kourenn pen lentsa. Oun yon hounte nashenn lendar. Kanna hi yon kolla, kay hounte darenn lengro djipaske. Me hom bouder gar t'mentsa yaake rah, har anenn t'mer gar ko koova dran t'mende krik, hoy mandar čoran.

Josua 7:8

Hoy te penap me, mo ray, kanna kay o Israel peske nashas kolendar, kay kamenn les te marell?

1. Samuel 4:17

Koy penas ko bičepaskro: “O Israel nashas glan i Filistarya. Kolla dan men phares, oun tire douy čave, o Hofni oun o Pinhas hi moule, oun ko morhton, kay o Debleskre deesh laba dren hi, lan le mendar.”