Debleskri gili 42:4 - O Debleskro Lab 2024 (Sinte-Manouche)

⁴ I vavar penenn ap mande hako dives: “Kay hi tiro Devel?” Doleske rovau o tselo dives oun haki rati; mire sva van miro pipen.

O Debleskro Drom 2021 (Sinte)

⁴ I wawar penenn ap mande hako diwes: “Kai hi tiro Dewel?” Doleske rowau o tselo diwes un haki rati; mire swa wan miro pipen.

Debleskri gili 42:4 ပူးပေါင်းရင်းမြစ်များ

2. Rajengro liil 18:30

Ma moukenn t'men dren te rakrell, te dikenn ap o baro Debleste! Te penell o Hiskiya t'menge: O baro Devel kourell pes menge oun tserdell men kote vin, oun kava foro vell gar dino an o vast o baro rayestar pral o them Assour, ma patsenn kova!

2. Rajengro liil 18:32

bis te me vau oun lau t'men mantsa, oun anau t'men an i vavar them, hoy hi yaake har t'maro them. An ko them hi doha djob, mool, maro, drakengre rouka, djeteskre rouka oun gvin. Palle nay ačenn djides oun hounte merenn gar. Shounenn gar ap o Hiskiya! Yob rhorhell t'men, te penell lo ap t'mende: O baro Devel lell men dran lengre vasta vin.

2. Familjakro liil 7:10

Oun ap o 23. (biish-te-triinto) dives an o eftato čon moukas o Salomo i menshen khere te djal. Oun yon djan barhteles khere. Lengro dji givas pral ko tselo lačepen, hoy kras o baro Devel ap o Davideste, oun ap o Salomeste, oun ap peskre menshende Israel.

Hiob 29:2

Ah, te voms pale har an ko tsiro, hoy pal mande hi, har an kol bersha, kay o Devel ap mande yak das,

Debleskri gili 100:4

Avenn an i voudya glan leskro kheer oun parkrenn t'men! Avenn ap i platsa glan leskro kheer oun sharenn les i gilyentsa! Parkrenn t'men pash leste oun sharenn les.

Debleskri gili 102:10

An tiri rholi dal tou man trad, hadal man pre oun vitsral man pale tele ap i phoub. Doleske rhau yagakri čik har maro. Oun mire sva perenn an miro pipen.

Debleskri gili 115:2

Hoske penenn i vavar menshe: “Kay hi lengro Devel?”

Debleskri gili 122:1

I gili o Davidestar te givell ap o drom an Yerusalem. Miro dji givas, har yon penan: Mer djah pash o baro Debleskro kheer.

Debleskri gili 122:8

Kamau, te djal mishto mire phralenge oun malenge. Doleske penau: “Mou vell kek kourepen an o foro!”

Debleskri gili 55:14

Na-a! Tou hal kova, yek mendar, miro maal, kova, kay leske lauter penoms.

Debleskri gili 62:8

Miro Deblestar vell, te vap vin lino dran o čilačepen, oun te vap an-diklo. Lestar vell miri zoor, pash miro Debleste khatrau man.

Debleskri gili 79:10

Hoske nay penenn i vavar menshe: Kay hi t'maro Devel? Mouk men te dikell, har tou len khetne stakreh koleske, kay maran le tire boudepangre!

Debleskri gili 80:6

I sva hi maro rhapen, dran i khoro pherde sva deh tou men te piyell.

Jesaja 30:29

T'mer, o Debleskre menshe, givenna gilya, har pash i baro rhapen an i rat, kay sharenn o Debles oun givenn leske. T'mer venn yaake barhtelo, har te djans bashepah pre ap i berga o baro Deblestar, kay ap o Israeleskri rig hi.

Ropaskre gilja 2:19

Ste pre an i rati, oun de gole pale te pale ap o baro Debleste! Čore tiro dji vin glan o Debleste. Rike tire vasta glan leste pre oun mange lestar o djipen tire terne čavendar, kay i bokatar merenna ap hako dromeskri ekka.

Ropaskre gilja 4:1

Har vas o sonakay yaake kalo, oun o lačo sonakay yaake djoungelo! Har nay van i kouč barra trouyel čiddo ap i dromma!

Ezekiel 46:10

Oun o ray djal lentsa dren ap koy bari glanstouni platsa, oun djal ninna pale lentsa vin.

Joel 2:17

Penenn i rashayenge, kay boudrenn o baro Debleske, te rovenn le ap i platsa mank o Debleskro kheer oun leskri rhačepaskri, oun penenn: Baro Devel, kre tiro dji pre tire menshenge! Ma mouk i menshen dran vavar themma men te praasell oun sanell pral mende. Hoske te penenn le: Kay hi lengro Devel?

Louka 16:25

Koy penas o Abraham: Čava, touke djas hako tsiro an tiro djipen mishto. O Lazares his kek shoukar djipen. Kanna hi yob barhtelo oun leske djal mishto. Oun tout hi kanna bare douka.

Ruth 1:21

I pherde vastentsa djom me vin, oun pale moukas man o baro Devel te vell i vastentsa, kay či dren hi. Denn man bouder gar Naomi gole! O baro Devel hi bouder gar ap miri rig. Ava, o zorelo Devel anas bibarht ap mande.”