Debleskri gili 42:10 - O Debleskro Lab 2024 (Sinte-Manouche)

¹⁰ Me penau ap miro Debleste, kay hi mange har i zorelo kheer, kay nay khatrau man: Hoske bistral tou man? Hoske hounte rovap me? Kolla djan ap mande, kay mange o djipen phares krenna.

O Debleskro Drom 2021 (Sinte)

¹⁰ Me penau ap miro Debleste, kai hi mange har i sorelo kheer, kai nai khatrau man: Hoske bistral tu man? Hoske hunte rowap me? Kolla djan ap mande, kai mange o djipen phares krenna.

Debleskri gili 42:10 ပူးပေါင်းရင်းမြစ်များ

Debleskri gili 42:3

Ava, man hi troush pal o Debleste, pal ko djido Debleste. Kaana nay vau glan toute an tiro kheer, te dikap tout?

Debleskri gili 43:2

Tou hal o zorelo Devel ap miri rig. Hoske moukal tou man? Hoske djal mange yaake djoungelo? Hoske nay krenn kolla mange o djipen pharo, kay mange čilačepen kamenn?

Debleskri gili 55:4

Kolla, kay kamenn man čilačepen, krenn bare laba, oun o čilačo dell man trad. Yon kamenn bibarht pral mande te anell, oun djan ap mande pre bari rholyah.

Gosewe laba 12:18

Laba, hoy sik vin rakedo venna, nay denn čourye har i rharo. O rakepen i goseve menshendar anell sastepen.

Ropaskre gilja 5:20

Hoske kameh tou men te bistrell, oun maro tselo djipen či mendar te djinell?

Joel 2:17

Penenn i rashayenge, kay boudrenn o baro Debleske, te rovenn le ap i platsa mank o Debleskro kheer oun leskri rhačepaskri, oun penenn: Baro Devel, kre tiro dji pre tire menshenge! Ma mouk i menshen dran vavar themma men te praasell oun sanell pral mende. Hoske te penenn le: Kay hi lengro Devel?

Micha 7:10

Kolla, kay rikrenn man tele oun poučenn mandar kay hi tiro baro Devel, yon hounte dikenn kova, oun hounte ladjenn. Oun mire yaka dikenn, har le khetne stakedo venna, har čik ap i drom.

Louka 2:35

Yaake vell diklo, hoy boud menshenge an o shero trouyel djala. Oun tire douka, Maria, pral tiro čaveste venn yaake, har te dell yek i rharo an tiro dji.”