Debleskri gili 40:6 - O Debleskro Lab 2024 (Sinte-Manouche)

⁶ Miro baro Devel, har boud hi ko baro koova, hoy tou ap mende kral, hoy kek vavar nay krals, har tou kokres. Te kamoms pral kova lauter te rakrell, nay kroms kova gar, yaake boud hi kova.

O Debleskro Drom 2021 (Sinte)

⁶ Miro baro Dewel, har bud hi ko baro koowa, hoi tu ap mende kral, hoi kek wawar nai krals, har tu kokres. Te kamoms pral kowa lauter te rakrell, nai kroms kowa gar, jaake bud hi kowa.

Debleskri gili 40:6 ပူးပေါင်းရင်းမြစ်များ

Hiob 33:16

krell lo lenge i kanda pre, te denn le pen yak. Oun zoreles dell lo len trad,

Hiob 5:9

Yob hi kova, kay krell boud baro oun zorelo koova, hoy kek hayvell oun kek vavar nay krell.

Debleskri gili 139:17

Phares te hayvell hi mange kova, hoy tou an tiro shero rakreh, mo Devel. Har boud hi kova!

Debleskri gili 139:18

Te kamoms les tele te ginell, vals kova boudeder har i santa pash o baro pani. Te stau pre o vavar dives, hom gomme pash toute.

Debleskri gili 50:8

Čingrau gar, te anals tou mange kek firhen. Kol firhen, hoy tou mange rhačral, hi hako dives glan mire yaka.

Debleskri gili 51:16

Me anom rat ap mande, ma de man moulo, miro Devel! Tou hal o Devel, kay lell man vin dran o merepen. Oun me kamau tiro čačepen te sharell.

Debleskri gili 71:15

Me penau i vavarenge, har čačo tire dromma hi. Hako dives rakrau pral o lačepen, hoy tou lauter kral. Kova hi boudeder har nay hayvau.

2. Mose 21:6

Palle lell les leskro ray oun anell les glan o Debleste, oun čivell les glan o voudar tardo, oun dell i kashteni soub an leskro kand čourye. Kova sikrell, te ačell lo peskro tselo djipen leskro boudepaskro.

Jesaja 1:11

“Hoy krap me kol tsele firhentsa, hoy t'mer mange anenn”, poučell o baro Devel. “Man hi doha t'mare bakrendar, hoy mange rhačran, hom čalo ko thulepastar i pesse groumyendar. Ko rat i morshkane groumyendar oun tikne bakrendar oun bouzyendar kamau me gar.

Jesaja 25:1

Baro Devel, tou hal miro Devel. Tout sharau, oun touke givau. Tou kral baro koova, hoy kek vavar nay krella. Hoy tou penal i glan rah tsiro, ap kova rikral tout oun kral kova.

Jesaja 66:3

Kova, kay mange i gouroum marell, marell ninna i menshes i rhorheno debleske. Kova, kay mange i terno bakro temerl dell, marell ninna i djoukles i rhorheno debleske. Kova, kay mange rhapen glan anell, anell ninna balengro rat i rhorheno debleske. Kova, kay mange soungepaskro koova rhačrell, parkrell pes ninna pash i rhorheno debleste. Yon djan pengre dromma yaake har yon les kamenna. Oun shoukar hi an lengre yaka, hoy an mire yaka djoungeles hi.

Hosea 6:6

Dikenn, hoy kamau: Kamau, te rikrenn t'mer i lačo djiyeha ap mande, oun kamau gar, te anenn mange firhen. Kamau te prindjrenn man čačepah, oun kamau gar, te rhačrenn mange firhen.

Amos 5:22

Ninna te rhačrenn t'mer mange firhen oun rhapen, hom gar barhtelo pral kova. Kol thoulle firhen, hoy mange marenn oun glan mande rhan, nay dikau bouder gar glan i yaka.

Mateo 12:7

T'mer hayvan kol laba gar, hoy o Devel penas: Me kamau, te han t'mer lačo ap i vavarende. Me kamau gar, te marenn t'mer mange firhen. Te hayvans t'mer, hoy kova kharella, palle anans t'mer kek doosh ap mire malende. Yon anan kek doosh ap pende.

Mateo 9:13

Kova hounte djinenn t'mer: O Devel penas: Me kamau gar, te marenn mange firhen. Na-a! Me kamau, te hi t'men i baro dji i vavarenge. Me vom gar, te dap kolen pash mande gole, kay djan ap o čačo drom. Na-a! Me vom, te dap kolen pash mande gole, kay hi ap o čilačo drom.”

1. Samuel 15:22

O Samuel penas: “Hoy patseh, hi shoukar o baro Debleske: Fiche, hoy leske maredo venn, save hoy leske tseles rhačedo venn oun save, kolengre feteder kotya mass leske rhačedo venn? Kamell lo gar boudeder, te shounell yek ap kova, hoy lo penell? Djin, te shouneh tou ap o baro Debleste, hi kova leske feteder, har te deh les firhen. Te shouneh tou mishto ap leste, hi kova feteder, har te deh les thoulle kotya i bakrestar.