Debleskri gili 40:17 - O Debleskro Lab 2024 (Sinte-Manouche)

¹⁷ Kolla lauter, kay tout rodenna, mou venn le barhtelo pral toute oun givenn i barhtyatar! Kolla, kay mangenn toutar, te less len vin dran o čilačepen, mou penenn le hako tsiro: “Sharedo vell o baro Devel!”

O Debleskro Drom 2021 (Sinte)

¹⁷ Kolla lauter, kai tut rodenna, mu wenn le bachtelo pral tute un giwenn i bachtjatar! Kolla, kai mangenn tutar, te less len win dran o tchilatchepen, mu penenn le hako tsiro: “Sharedo well o baro Dewel!”

Debleskri gili 40:17 ပူးပေါင်းရင်းမြစ်များ

Debleskri gili 109:22

Me hom čorvelo oun kek hi ap miri rig. Miro dji hi phagedo.

Debleskri gili 34:4

Givenn mantsa gilya o baro Debleske! Krenn leskro lab mantsa khetne baro!

Debleskri gili 34:6

Kolla, kay ap leste dikenna, lengre yaka venna har i momeli, oun yon hounte ladjenn pen gar.

Debleskri gili 35:27

Kre, te stenn oun sanenn i barhtyatar kolla, kay kamenn, te lap miro čačepen. Mou penenn le pale te pale: “Har baro hi o baro Devel, kay hi yaake lačo ap peskro boudepaskro!”

Debleskri gili 40:5

Barhtelo hi ko mensho, kay rikrell pes ap o baro Debleste, oun djal gar kolentsa, kay hi pre-phourde oun rhorhene.

Debleskri gili 54:4

Miro Devel, shoun miro mangepen! Shoun o rakepen, hoy dran miro mouy vella!

Debleskri gili 69:33

Te dikenn kova kolla, kay tele rikedo hi, venn le barhtelo. Oun kolenge, kay o Debles rodenna, djivell lengro dji pale pre.

Debleskri gili 70:5

Barhtelo pral toute mou venn kolla lauter, kay pal toute poučenna, oun lengre djia mou givenna. Kolla, kay kamenn tout, kay tou lal len dran o čilačepen vin, te penenn le hako tsiro: Baro hi o Devel!

Debleskri gili 86:1

O David mangas o Debles kol labentsa: Baro Devel, me hom čorvelo, oun mange djal gar mishto. Shoun, har dau ap toute gole, oun rake mantsa!

Jesaja 25:9

Ap ko dives penell hakeno: Dik, kova hi maro Devel! Ap koleste rikram men, te vell lo ap mari rig. Yob hi maro baro Devel, ap koleste men rikram! Givas i barhtyatar: Yob las men vin dran o merepen.

Jesaja 41:17

Kolla, kay čorvele hi, oun kolen gar doha hi djipaske, rodenn pal pani, oun dell kek. Oun len hi bari troush. Me, o baro Devel, shounau ap lende, me, o Israeleskro Devel, moukau len gar.

Mateo 8:20

Penas o Yezous ap leste: “I divye djouklen hi i čiben an i phoub, kay sovenn le. Oun i čirklen hi tikne khera ap i rouka. Me, o Mensheskro Čavo, man hi či, kay nay čivap man tele, te sovap.”

2. Korintarja 8:9

T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

Hebrearja 13:6

Yaake hounte daras gar oun nay penah: O Devel hi ap miri rig, me hounte darap gar. Hoy nay krell i mensho ap mande?

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

1. Petro 2:23

Te čingran le ap leste, čingras yob gar pale. Te dan le les, das lo len gar trad. Na-a, yob čivas pes an o Debleskre vasta. Oun o Devel hi o čačepaskro ray, kay djal pal o čačepen.

1. Petro 5:7

Lauter, hoy hi t'men phares ap o dji, vitsrenn ap leste! Yob krell lauter mishto.

Debleskro tsiro 22:20

Kova, kay kava penas, penella: “Ava, me vau sik.” Amen. Ab ray Yezous!