Debleskri gili 40:11 - O Debleskro Lab 2024 (Sinte-Manouche)

¹¹ Me rikrau man gar pale te penap lenge, hoy tou mendar kameh, oun kay tou rikreh tiro lab, oun leh i doosh krik. Oun me rikrau man gar pale, te rakrap pral tiro lačepen oun čačepen kote, kay boud menshe khetne venna.

O Debleskro Drom 2021 (Sinte)

¹¹ Me rikrau man gar pale te penap lenge, hoi tu mendar kameh, un kai tu rikreh tiro lab, un leh i doosh krik. Un me rikrau man gar pale, te rakrap pral tiro latchepen un tchatchepen kote, kai bud menshe khetne wenna.

Debleskri gili 40:11 ပူးပေါင်းရင်းမြစ်များ

Debleskri gili 23:6

Čačepah, tiro lačepen djal mange palla, oun hako dives kreh tou tiro dji mange pre, yaake rah, har me djivau. Oun me ačau an o baro Debleskro kheer hako tsiro.

Debleskri gili 43:3

Biče tiri momeli, te dikap tiro čačepen, hoy anell man ap o drom pash tiri Debleskri berga, kay tou djiveh.

Debleskri gili 57:3

Ap o Debleste, ko pralstuneste, dau me gole, ap koleste, kay miro koova mishto krella.

Debleskri gili 61:7

De o baro rayes i rah djipen, de les boud bersha, te djivell lo gomme i rah tsiro.

Debleskri gili 69:13

Ap i platsa, kay le khetne venn, rakrenn le pral mande. Oun mate givenn gilya pral mande.

Debleskri gili 69:16

te tserdenn man i zorele panya gar tele, oun me tassap. Ma mouk man te merell!

Debleskri gili 85:10

Čačepah, yob hi ap kolengri rig, kay leha djivenna oun ap leste shounenna. Oun leskro raylepen ačell an maro them.

Debleskri gili 89:2

Hako tsiro kamau te givell pral o lačepen, hoy o baro Devel men dell. Lauterenge kamau te penell, har yob pash peskre menshende rikrell.

Gosewe laba 20:28

O baro rayeske ačell leskri rayeskri zoor yaake rah har lo o lačepen oun o čačepen krella.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.