Debleskri gili 4:5 - O Debleskro Lab 2024 (Sinte-Manouche)

⁵ Te vell i rholi an t'mende pre, palle anenn kek doosh ap t'mende! Rakrenn an t'mare djia, te han an t'maro čiben čiddo, oun rakrenn kek lab!

O Debleskro Drom 2021 (Sinte)

⁵ Te well i choli an tumende pre, palle anenn kek doosh ap tumende! Rakrenn an tumare djia, te han an tumaro tchiben tchiddo, un rakrenn kek lab!

Debleskri gili 4:5 ပူးပေါင်းရင်းမြစ်များ

2. Samuel 15:12

Oun o Absalom anas firhen, te venn le rhačedo o Debleske. An o foro Gilo djivas o Davideskro rakepaskro, o Ahitofel. Koles moukas o Absalom ninna pash peste te anell. Oun kol morsha, kay djan o Absalomeha, van boud oun boudeder. Yaake van kolla boud, kay čivan pen čorrhanes leha khetne.

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Debleskri gili 26:1

I gili o Davidestar. Baro Devel, de man miro čačepen! Kek doosh hi ap mande. Oun me patsau tout, mo baro Debles, oun perom gar toutar tele.

Debleskri gili 37:3

Dik ap o baro Debleste, te krell lo touke lačepen! Oun kre, hoy mishto hi! Ač an o them, oun djib kolestar, hoy tire vastentsa boudral!

Debleskri gili 50:14

Kova, hoy toutar kamau, hi, te parkress tout pash mande, tiro Debleste, oun te rikress tiri sovel, hoy dal tou mande, o pralstuneste.

Debleskri gili 51:19

Kova, hoy tou kameh te vell touke anlo, hi i phagedo dji. Ap i mensheste, kay rovell pral peskri doosh, dikeh tou, miro Devel, lačes.

Debleskri gili 62:8

Miro Deblestar vell, te vap vin lino dran o čilačepen, oun te vap an-diklo. Lestar vell miri zoor, pash miro Debleste khatrau man.

Debleskri gili 77:7

Rati djas mange boud an o shero trouyel, rakrom miro djiyeha oun rodom te hayvap:

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Jesaja 61:8

Me, o baro Devel kamau o čačepen, oun hom rhoyedo pral o čorepen oun o čilačepen. Oun čačepah, me dau lačo koova i menshende an Youda ko tselo čilačepaske, hoy ap lende vas. Oun me krau lentsa vin, te ačas mer mala hako tsiro. Koy pre dau miro čačo vast.

Maleachi 1:8

Oun anenn mange i firho, hoy korelo, bango oder nasselo hi, oun penenn t'menge: Kova hi kek djoungelo koova. Me penau t'menge: Anenn sau firho t'maro themeskro rayeske, oun dikenn, hoy lo krell! Patsenn t'mer, te dikell lo lačes ap t'mende? Ko penell o baro Devel, ko ray pral o bolepen oun i phoub.

Mateo 5:23

Te djah tou an o Debleskro baro kheer, te dess o Debles čomone, oun kote djal touke an o shero trouyel, te hi tiro phraal rhoyedo ap toute,

5. Mose 33:19

Yon denn vavar menshen gole ap pengri Debleskri berga, oun kote anenn le firhen o Debleske, hoy leske čačo hi. Lengro bravlepen hatsenn le an o baro pani, oun kouč koova lenn le dran i santa.

1. Petro 4:19

Doleske penau t'menge: Te moukell o Devel ap t'mende i pharo tsiro te vell, palle denn t'men tseles an o Debleskro vast, kay das t'men o djipen! Oun moukenn gar tele, te krenn o lačepen!