Debleskri gili 4:2 - O Debleskro Lab 2024 (Sinte-Manouche)

² Shoun man, te dau ap toute gole! Miro Devel, kay deh man čačo! An miri daar kral tou miro dji zoreles. Ab lačes ap mande oun shoun har me tout mangau!

O Debleskro Drom 2021 (Sinte)

² Shun man, te dau ap tute gole! Miro Dewel, kai deh man tchatcho! An miri daar kral tu miro dji soreles. Ab latches ap mande un shun har me tut mangau!

Debleskri gili 4:2 ပူးပေါင်းရင်းမြစ်များ

Debleskri gili 106:20

Yon moukan o raylo baro Debles, oun mangan i figura i groumyatar an, hoy khass rhal.

Debleskri gili 14:6

“T'mer kaman i čorvelenge čilačepen te krell, oun kova paash te krell, hoy yon kaman. O baro Devel rikrell peskre vasta pral lende.”

Debleskri gili 2:1

I menshe an i vavar themma hi divyo. Hoy kamenn le? Yon hadenn pen pral o baro Debleste! Hoske? Hoy le krenn, hi čičeske!

Debleskri gili 3:3

Boud penenn mandar: “O Devel hi gar ap leskri rig.”

Debleskri gili 31:6

Me dau man an tire vasta. Tou leh man dran i čilače vasta vin, baro Devel. Tou hal i Devel, kay rikrell peskro lab.

Debleskri gili 5:6

Kol pre-phourden kameh tou gar glan tire yaka te dikell, oun tou rhoyreh tout ap hakeneste, kay i vavarenge čilačepen krella.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 57:4

Dran o bolepen mou vell lo mange ap i rig, oun lell man vin dran o praasepen kolestar, kay man palla lell. O Devel mou sikrell man, te hi lo mange lačo, oun te rikrell lo pash mande.

Debleskri gili 58:1

I gili o rayeske pral i gipangre, te givell har koy gili Ma mare men. O David činas kay gili.

Debleskri gili 58:3

Na-a, kova krenn t'mer gar. T'mer kamenn o čilačepen te krell. T'mare vastentsa krenn djoungelo koova.

Debleskri gili 63:11

Mou dell len o rharo moulo, oun i divye djoukle te rhan len!

Debleskri gili 72:2

Kre lestar i čačepaskro ray, kay dell koles o čačepen, kones čačo hi, ninna te hi lo čorvelo.

2. Mose 10:3

Kote djas o Mose oun o Aron pash o Farao dren oun penan ap leste: “Kava penell o baro Devel, o Devel pral i Hebrearya: Har rah kameh tou gar te dikell, kay hom zorleder har tou? Mouk mire menshen te djal, te nay mangenn le man an!

Gosewe laba 1:22

T'mer, kolen či an o shero hi: Har rah kamenn t'mer dinelo koova te krell? T'mer sapangre, har rah kamenn t'mer pral o vavareste te sal oun les praasell? T'mer dinele, har rah penenn: Mer kamah gar te djinell, hoy čačo hi?

Sikepaskro 8:11

Ko mensho, kay kras čilačo koova, lell gar sik pal kova peskri phagi. Doleske rikrenn pen i menshe gar pale, te krenn le pengro djoungelo koova doureder.

Sikepaskro 9:3

Kova hi koy bibarht pash halauter, hoy djal ap kay phoub, te djal ko yekeske har ko vavareske djala. Oun koy pashel hi o dji o menshendar pherdo čilačepen oun pherdo dinlepen, yaake rah har yon djivenna; pal kova merenn le!

Jesaja 20:5

Palle lenn kolla bari daar oun traash, kay patsan, te venn i lourde dran Etiopia lenge ap i rig, oun kay sharan pen, te denn i Egiptarya yak ap lende.

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Jeremia 2:11

Ninna te hi lengre debla kek čače debla, lenn yon kek vavar deblen an! Mire menshe, kay miro raylepen dikan, yon paran man dren yekeha, kay kek devel hi, oun koles kek zoor hi.

Jeremia 2:5

Kova penell o baro Devel: Havo djoungelo koova hatsan t'mare phoure ap mande, kay djan yon mandar krik, oun mangan figuren an, kay kek devel hi. Oun yaake djan le tele.

Jeremia 9:3

Hakeno mou dell pes garda peskro malestar, oun ninna peskro phralestar! Yek phraal dell kol vavar phrales pral i kanda. Oun i maal rakrell djoungeles pral o vavareste.

Hosea 4:7

Yaake har t'mer rashaya boud oun boudeder van, kran t'mer boud oun boudeder čilačepen ap mande. Doleske krau, te venn bouder gar an-diklo, oun vitsrau t'men an i ladj.

Jona 2:8

Har kamas miro djipen an mande tele te merell, val tou baro Devel mange an o shero, pash toute vas miro mangepen, an tiro kheer, kay tou khere hal.

4. Mose 14:11

Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende?

Bičepangre 24:9

Ninna i vavar bibolde rakran yaake, oun penan, kay kova lauter yaake hi, har o Tertulo penas.

1. Korintarja 1:31

Kanna vell kova yaake, har o Debleskro lab penella: Te kamell pes yek te sharell, nay sharell lo kova, hoy o Devel leske kras.

Efesarja 4:25

Ma rhorhenn bouder! Mer ham lauter phrala oun phenya. Doleske rakrenn o čačepen yek o vavareha!

1. Samuel 12:21

Ma nashenn kol rhorhene deblenge palla, hoy či molenna, oun hoy t'men gar vin nay lenna dran o merepen. Yon hi či.