Debleskri gili 37:40 - O Debleskro Lab 2024 (Sinte-Manouche)

⁴⁰ Oun o baro Devel hi pash lende tardo, oun lell len vin, ava, dran o vast i čilačendar lell lo len vin. Yon nashenn pash leste, oun yob dell garda ap lende.

O Debleskro Drom 2021 (Sinte)

⁴⁰ Un o baro Dewel hi pash lende tardo, un lell len win, awa, dran o wast i tchilatchendar lell lo len win. Jon nashenn pash leste, un job dell garda ap lende.

Debleskri gili 37:40 ပူးပေါင်းရင်းမြစ်များ

1. Familjakro liil 5:20

Oun i lourde dran i khera Ruben oun Gad oun Manasse dikan ap o baro Debleste oun dan gole ap leste, te vell lo lenge ap i rig. Oun yob shounas ap lende, oun das i Hagararya an lengre vasta oun lauteren, kay pash lende his.

Debleskri gili 17:13

Baro Devel, ste tou pre, čip tout lenge an o drom! Stake len khetne! Ab oun le tiro rharo, oun le miro djipen vin dran i vasta kol čilačendar.

Debleskri gili 27:2

Te venn i čilače ap mande har divye firhe, kay kamenn man te rhal, kolla, hoy les mange phares krenn oun mange čilačepen kamenn, palle hi yon kolla, kay nashrenn pengri zoor oun perenn.

Debleskri gili 34:20

Boud douka venna ap koleste, kay an o čačepen tardo hi. Dran kova lauter lell o baro Devel les vin.

Gosewe laba 20:22

Ma le touke glan, te dess o čilačepen pale, hoy yek ap toute kras. Dik ap o baro Debleste! Kova lell tiro koova an peskro vast.

Jesaja 31:5

Har čirkle pengre moussya pral pengre ternende rikrenn, yaake rikrell o baro Devel peskre vasta pral o foro Yerusalem. Yob, ko ray pral o bolepen oun i phoub, vell ap leskri rig, oun lell les vin dran i bibarht, te vell leske kek čilačepen, oun kek vavar bouder o ray pral leste hi.

Jesaja 46:4

Ninna te van t'mer phouro, ačau me kova, kay homs; ninna te lan t'mer parne balla, rikrau t'men. Me hom, kay krom t'men. Oun me rikrau t'men, oun hidjrau t'men, oun lau t'men dran o čilačepen vin.

Daniel 3:17

Maro Devel, koles mer an-mangah, te kamell yob, palle nay lell lo men vin dran i bobeskri yag oun dran tiro vast.

Daniel 3:28

Oun o Neboukadnezar penas: “Sharedo vell o Devel, koles o Shadrak oun o Meshak oun o Abed-Nego an-mangenn. Yob bičras peskro bolepaskres oun las peskre boudepangren dran o merepen vin. Kolla rikran ap leste, oun shounan gar ap miro lab, oun dan pengro djipen an o merepen. Yon kaman kek vavar debles an-mangenn har pengro Debles kokres.

Daniel 6:23

Miro Devel bičras peskro bolepaskres, oun kova pandas i mouya kol levendar, yaake te nay doukran le man gar. Miro Devel dikell kek doosh ap mande. Oun ninna ap toute, miro baro ray, krom me či, koleske i phagi hounte loms.”

1. Johanni 5:18

Mer djinah, o Debleskre čave ačenn gar ap i čilačo drom. O Debleskro čavo dell garda ap lende. Oun o beng nay krell len či.