Debleskri gili 37:32 - O Debleskro Lab 2024 (Sinte-Manouche)

³² O čilačo lell koles an o yak, kay an o čačepen tardo hi, te hatsell lo i drom, te nay dell lo les moulo.

O Debleskro Drom 2021 (Sinte)

³² O tchilatcho lell koles an o jak, kai an o tchatchepen tardo hi, te hatsell lo i drom, te nai dell lo les mulo.

Debleskri gili 37:32 ပူးပေါင်းရင်းမြစ်များ

1. Mose 39:16

Oun yoy rikras leskro ripen pash peste, bis te o Yosefeskro ray khere vas.

2. Rajengro liil 6:13

Koy penas yob: “Djan oun hatsenn vin, kay yob hi. Oun me kamau les te taprell.” Oun yon penan leske: “Yob hi an Dotan.”

Debleskri gili 37:12

O čilačo kamell midjak koova te krell ap koleste, kay an o čačepen tardo hi, oun sikrell leske i danda.

Debleskri gili 56:7

An pengro khatepen hi le čiddo, lenn le man an o yak, oun djinenn hako djapen mandar. Yon rodenn, har nay denn le man moulo.

Gosewe laba 24:15

Ma loure har i čilačo ap o kheer kolestar, kay an o čačepen tardo hi! Ma de koy platsa khetne, kay čivell lo pes sopaske!

Jeremia 11:19

Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

Jeremia 18:23

Tou baro Devel, djineh, hoy len mantsa glan hi, kay kamenn le man moulo te dell. Ma biste lenge lengro čilačepen! Ma le lengri doosh lendar krik! Mouk len glan toute khetne te phagell, te vell tiri rholi pral lende!

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Daniel 6:5

Koy rodan kol douy vavar raya oun kol pralstoune i doosh an leskri boudi o baro rayeske, hoy nashte anans le ap o Danieleste pre. Oun yon hatsan či. Lauter kras lo mishto oun čačo. Oun kek doosh vas ap leste hatslo, vitar gar i tikneder koova.

Louka 11:54

Oun yon dan yak ap hako lab lestar, te nay taprenn le les leskre labentsa.

Louka 14:1

His i Debleskro dives, koy djas o Yezous pash i pralstouno Farisari an o kheer te rhal. Oun kol menshe kote lan les an o yak.

Louka 20:20

Yon lan o Yezouses an o yak. Oun yon bičran morshen, kay kran, har te vans le lačo. Oun kolla poučan boud koova lestar, te dikenn le, hoy yob penals, yaake te nay taprenn le les an leskro rakepen, oun te nay denn le les an i Remaryengre vasta.

Louka 6:7

I biboldengre čačepangre oun i Farisarya dikan ap o Yezouseste, oun poučan pendar: “Krell lo kava morshes ap o Debleskro dives sasto?” Yon kaman čomone ap leste pre te anell, te anenn le les nay glan i čačepangre.

Bičepangre 9:24

Kova vas o Sauleske penlo. I rati oun ap o dives dan i bibolde yak glan kol foreskre voudya, te taprenn le les, oun te marenn le les.

1. Samuel 19:10

Oun o Saul vitsras peskro čouri, te dell lo o Davides ap i vanta. Oun o David stas ap i rig, yaake te djas ko čouri an i vanta. Oun yob nashas peske.

1. Samuel 23:14

Oun o David ačas an o moulo them, oun khatras pes an i berge pash o foro Sif. Oun o Saul rodas les o tselo tsiro. Oun o Devel das o Davides gar an leskro vast.