Debleskri gili 37:29 - O Debleskro Lab 2024 (Sinte-Manouche)

²⁹ Kolla, kay an o čačepen tardo hi, lenn o them, oun djivenn kote hako tsireske.

O Debleskro Drom 2021 (Sinte)

²⁹ Kolla, kai an o tchatchepen tardo hi, lenn o them, un djiwenn kote hako tsireske.

Debleskri gili 37:29 ပူးပေါင်းရင်းမြစ်များ

Debleskri gili 25:13

Kova djivella an i barht, oun leskre čavenge hi o them.

Debleskri gili 37:11

I čorvele lenn ko them. Kote hi len boudeder barht har doha.

Debleskri gili 37:18

O baro Devel prindjrell i divessa kolendar, kay ap leste shounenna pengro tselo djiyeha, oun lengro them ačell lenge hako tsireske.

Debleskri gili 37:27

Mouk o čilačepen pal toute, oun kre o lačepen! Palle nay ačeh hako tsireske khere an o them.

Debleskri gili 37:9

I tsiro vella, kay hi bouder kek čilače ap kay phoub. Kolla, kay ap o baro Debleste dikenna, te vell leskro tsiro, kolenge hi palle o them.

Gosewe laba 2:21

Kolla, kay an o čačepen tardo hi, oun o Debleskro drom djan, djivenn an kava them oun ačenn koy dren.

Jesaja 57:13

Te deh tou palle gole, mou venn yon ap tiri rig – tire tsele rhorhene debla! I phourdepen hadell len lauter krik. I tikno dourho phourdell len trouyel. Kolla, kay rikrenn pen ap mande, lenn o them, te vell lo lengro, oun djivenn ap miri berga, kay an-mangedo vau.

Jesaja 60:21

Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

5. Mose 30:20

Kamenn t'maro baro Debles! Shounenn ap leste, oun rikrenn t'men ap leste! Kova hi t'maro djipen. Oun yaake nay djivenn boud bersha an ko them, kolestar o baro Devel pes sovel das glan t'mare phourende, glan o Abraham, o Isaak oun o Yakob, te dell lo les lende.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

2. Petro 3:13

Mende das o Devel peskro lab, te krell lo i nevo bolepen oun i nevi phoub. Kote della bouder kek čilačepen. Ap kova dikah mer.

Debleskro tsiro 21:7

Kova, kay zoreles an o patsepen ačas, oun gar pre das, kova lell kava shoukar koova mandar. Me vau leskro Devel. Oun yob vell miro čavo.