Debleskri gili 37:28 - O Debleskro Lab 2024 (Sinte-Manouche)

²⁸ O baro Devel kamell o čačepen oun moukell peskre menshen gar kokres. Hako tsiro dell yob yak ap lende. Kolla, kay kamenn o Deblestar či te djinell, merenna, ninna lengre čave oun kolengre čave.

O Debleskro Drom 2021 (Sinte)

²⁸ O baro Dewel kamell o tchatchepen un mukell peskre menshen gar kokres. Hako tsiro dell job jak ap lende. Kolla, kai kamenn o Deblestar tchi te djinell, merenna, ninna lengre tchawe un kolengre tchawe.

Debleskri gili 37:28 ပူးပေါင်းရင်းမြစ်များ

Hiob 18:19

Leske ačell kek čavo, vitar kek čavengro čavo mank peskre menshende. Kote, kay djivas lo, ačell kek lendar djido.

Hiob 27:14

Te venn leskre čave ninna boud, merenn boud lendar an o kourepen. Vavaren hi gar doha te rhal.

Debleskri gili 11:7

O baro Devel hi an o čačepen tardo, oun kamell hakenes, kay o čačepen krella. Koon ap leste shounella peskro tselo djiyeha, kova dikell les peskre yakentsa.

Debleskri gili 21:10

Tou rhačreh len har an i bobeskri yag, an ko tsiro, kay tou moukeh tout te dikell. Tiri rholi rhačrell har i yag, oun rhal len pre.

Debleskri gili 37:25

Me homs terno oun vom phouro. An ko tselo tsiro dikom me kekes kokres mouklo, kay an o čačepen tardo hi; oun kekes leskre čavendar dikom, kay hounte mangas peske maro.

Debleskri gili 37:40

Oun o baro Devel hi pash lende tardo, oun lell len vin, ava, dran o vast i čilačendar lell lo len vin. Yon nashenn pash leste, oun yob dell garda ap lende.

Debleskri gili 99:4

Touke hi bari zoor. Tou hal o baro ray, kay kamell o čačepen o djiyestar. Tou penal, hoy čačo hi, oun čival o čačepen pre an o them Israel, te djan i čačepangre morsha pal o čačepen.

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

Gosewe laba 2:22

Kolla, kay o čilačepen krenn oun o Debles moukenn, venn vin tradedo dran o them, yaake te hatseh bouder kek lendar.

Jesaja 30:18

Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.

Jesaja 59:21

Kava krau me lentsa vin, penell o baro Devel: Me čivom miro dourho ap t'mende. Oun mire laba, hoy penom t'menge, ačenn pash t'mende. Oun t'mer penenn len doureder ap t'mare čavende, oun yon ap pengre čavende, oun kolla ap pengre čavende. Kova ačella yaake kanna oun hako tsireske. Kova penau me, o baro Devel,

Jesaja 61:8

Me, o baro Devel kamau o čačepen, oun hom rhoyedo pral o čorepen oun o čilačepen. Oun čačepah, me dau lačo koova i menshende an Youda ko tselo čilačepaske, hoy ap lende vas. Oun me krau lentsa vin, te ačas mer mala hako tsiro. Koy pre dau miro čačo vast.

Jeremia 9:24

Shounenn, penell o baro Devel, ko tsiro vell, kay dau hakenes i phagi, kay činlo hi ap peskro mass, oun djivell, har te vals lo gar činlo:

Johanni 15:9

Har miro dad man o djiyestar kamella, yaake kamau me t'men ninna o djiyestar. Ačenn an miro kamlepen!

Johanni 5:24

Čačepah, me penau t'menge: Koon miro lab shounella, oun patsell ap koleste, kay man bičras, koles hi ko djipen, hoy gar pre-herella. Pral leste vell kek phagi vi-rakedo. Yob moukas ko merepen pal peste, oun djas an o djipen.

1. Petro 1:5

kay patsenn ap leste. O Devel rikrell t'men an peskro zorelo vast, bis te vell ko dives, kay lell t'men o Yezous Kristo dran i tseli bibarht vin. Palle dikenn t'mer har shoukar kova hi, hoy les t'menge hi.

1. Johanni 2:19

Kolla van mendar. Yon his gar čačepah mendar. Te vans yon mendar, ačans le pash mende. Oun har yon penge djan, nay dikas hakeno, te his le gar mendar.

Judas 1:1

Me, o Youdas, činau kava liil ap t'mende, kolen o Devel peske vin rodas. Yob hi t'maro dad oun kamell t'men o djiyestar. Oun o Yezous Kristo dell garda ap t'mende. Me hom o Yezous Kristeskro boudepaskro oun o Yakobeskro phraal.