Debleskri gili 37:22 - O Debleskro Lab 2024 (Sinte-Manouche)

²² Kol menshe, ap kolende o baro Devel peskri barht čivas, lenn ko them. Kolla, ap kolende o baro Devel i bibarht čivas, kolendar ačell kek.

O Debleskro Drom 2021 (Sinte)

²² Kol menshe, ap kolende o baro Dewel peskri bacht tchiwas, lenn ko them. Kolla, ap kolende o baro Dewel i bibacht tchiwas, kolendar atchell kek.

Debleskri gili 37:22 ပူးပေါင်းရင်းမြစ်များ

Hiob 5:3

Me dikom i dineles, kay har i baro rouk zoreles tardo his. Sik rakrom bibarht vin pral leskro kheer.

Debleskri gili 115:15

Mou vell ap t'mende i barht kolestar, kay o bolepen oun i phoub kras.

Debleskri gili 119:21

Tou čingreh pral kolende, kay phourdenn pen pre. Praasedo hi kolla, kay moukan tire laba.

Debleskri gili 128:1

I gili te givell ap o drom an Yerusalem. Barhtelo hi hakeno, kay djivell o baro Debleha, oun djal ap leskro drom.

Debleskri gili 25:13

Kova djivella an i barht, oun leskre čavenge hi o them.

Debleskri gili 32:1

Laba o Davidestar. Barhtelo hi kova, koleske o čilačepen, hoy ap leste his, krik lino hi, oun leskri doosh bistedo hi.

Debleskri gili 37:11

I čorvele lenn ko them. Kote hi len boudeder barht har doha.

Debleskri gili 37:18

O baro Devel prindjrell i divessa kolendar, kay ap leste shounenna pengro tselo djiyeha, oun lengro them ačell lenge hako tsireske.

Debleskri gili 37:28

O baro Devel kamell o čačepen oun moukell peskre menshen gar kokres. Hako tsiro dell yob yak ap lende. Kolla, kay kamenn o Deblestar či te djinell, merenna, ninna lengre čave oun kolengre čave.

Debleskri gili 37:9

I tsiro vella, kay hi bouder kek čilače ap kay phoub. Kolla, kay ap o baro Debleste dikenna, te vell leskro tsiro, kolenge hi palle o them.

Gosewe laba 3:33

O baro Devel čivell i bibarht ap o kheer i čilačendar, oun barht ap o kheer kolendar, kay an o čačepen tardo hi.

Jesaja 57:13

Te deh tou palle gole, mou venn yon ap tiri rig – tire tsele rhorhene debla! I phourdepen hadell len lauter krik. I tikno dourho phourdell len trouyel. Kolla, kay rikrenn pen ap mande, lenn o them, te vell lo lengro, oun djivenn ap miri berga, kay an-mangedo vau.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

1. Korintarja 16:22

Koon o Yezouses, maro rayes, gar kamella, ap koleste vell i bibarht! Maranatha!

Galatarja 3:10

Kol vavar, kay rikrenn pen ap o Moseskre laba, oun kamenn yaake čačo te vell glan o Debleste, kolla hi tel o Debleskro praasepen. O Debleskro lab penella: Hakeno hi praasedo, koon gar lauter krella, hoy o Moseskre laba penenna. Oun kek mensho hi koy, kay krell lauter, hoy o Moseskre laba penenna.

Galatarja 3:13

Mer nashte rikram kova lauter gar. Oun dran kova vam tel o Debleskro praasepen. Oun o Yezous Kristo las ko praasepen mendar krik, har yob ap o troushel dino vas, oun yaake menge praasedo vas. O Debleskro lab penella: Hakeno, koon ap o troushel dino vella, hi praasedo.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.