Debleskri gili 37:20 - O Debleskro Lab 2024 (Sinte-Manouche)

²⁰ I čilače merenna, oun kolla, kay o baro Debles gar kamenna, hi har kol shoukar divye bloume, hoy sik tele merenn, oun djan penge har i yagakro dourho, hoy pre djal.

O Debleskro Drom 2021 (Sinte)

²⁰ I tchilatche merenna, un kolla, kai o baro Debles gar kamenna, hi har kol shukar diwje blume, hoi sik tele merenn, un djan penge har i jagakro ducho, hoi pre djal.

Debleskri gili 37:20 ပူးပေါင်းရင်းမြစ်များ

1. Mose 19:28

Oun o Abraham dikas tele ap kol forya Sodom oun Gomorra oun pral ko tselo them pash o pani Yordan, oun dikas i bari yagakro dourho pre te djal har dran i baro bob.

Debleskri gili 102:3

Ma dja krik mandar ap kava dives, kay mange ropaske hi! Risse tout pash mande ap kava dives, kay ap toute gole dau! Shoun man sik!

Debleskri gili 68:2

O Devel stell pre, oun tradell kolen krik, kay kamenn les gar; ava, kolla, kay hi rhoyedo ap leste, hounte nashenn lestar.

Debleskri gili 68:3

Yaake har i yagakro dourho krik phourdedo vell, yaake phourdell yob len krik. Yaake har i momeli rhačrell tele oun bouder gar koy hi, yaake venn kol čilače bouder gar diklo glan o Debleste.

Debleskri gili 92:9

Tou, baro Devel, hal o pralstouno, oun ačeh hake tsirenge.

Gosewe laba 2:22

Kolla, kay o čilačepen krenn oun o Debles moukenn, venn vin tradedo dran o them, yaake te hatseh bouder kek lendar.

3. Mose 3:16

Oun o rashay rhačrell kova lauter ap o Debleskri rhačepaskri. Kolla hi kol kotya o firhestar, hoy o baro Debleske hi. Oun o soungepen, hoy vell vin, soungell leske mishto. O tselo thulepen hi o baro Debleske.

Louka 13:3

Na-a, penau me t'menge. T'mer te moukenn gar t'maro čilačo drom, oun djan ap o Debleskro drom, palle venna t'mer lauter ninna yaake maredo.

Louka 13:5

Na-a, penau me t'menge. Te moukenn t'mer gar t'maro čilačo drom, oun djan ap o Debleskro drom, palle venna t'mer lauter ninna yaake maredo.”

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

Hebrearja 12:29

Ma bistrenn, maro Devel hi yaake har i zoreli yag!

2. Petro 2:12

Kol rhorhene sikepangre rakrenn djoungeles pral kova, hoy yon gar prindjrenna. Yon hi har divye firhe, kay venn boldo, te venn le tapedo oun maredo. Yaake merenn yon ninna.

Čačepangre 5:31

Maro baro Devel, yaake hounte merenn lauter, hoy tout gar kamenna. Kolla, kay kamenn tout o tselo djiyestar, yon te venna raylo har o kham, har djal lo pre an peskri zoor! Oun pal kova his an o them 40 (star-deesh) bersha kek kourepen.